![د حمل په دوران كې جماع روا ده؟ 1 54 36782](https://wasiweb.com/wp-content/uploads/2020/05/54-36782.jpg)
د حمل په دوران كې جماع روا ده؟
که یوه ښځه حامله وي تر کومه وخته ورسره خاوند جماع کولی شي. یعنې د حامله توب په ورستیو وختونو کې ورسره جماع کول رواه دي او که نه؟ وسلام
ستاسې د جواب په انتظار
قدرمنه وروره! وعليکم السلام ورحمة الله و برکاته
ستاسې نه ډېره مننه کوو چې غواړئ ، ځان د اسلام نه خبر کړئ او په دې اړه پوښتنې کوئ
ستاسې د پوښتنې په اړه بايد ووايم
چې د اسلام له نظره د حمل په وخت کې جماع کول جواز لري او په دې کې هېڅ کوم ممانعت نشته، انسان کولاى شي چې د حمل په اول، منځ او اخر کې له خپلې ښځې سره يو ځاى شي، البته ډاکتران په دې اړه مختلف نظريات لري، ځينې وايي چې د حمل په آخره مياشت کې د له ښځې سره يوځاى کېدل سم کار نه دى، ځکه چې دا ښځې ته ضرر لري او ځينې نور ډاکتران وايي چې په دې کې کوم مشکل نشته، خو ټول ډاکتران په دې متفق دي چې سړى کولاى شي د حمل په هر وخت کې له خپلې ښځې سره يو ځاى شي، که چېرې ښځې د تکليف احساس کاوه او يا ورته مشکل پيدا کېده نو بيا دې په دې اړه احتياط وکړي
او اسلامي شريعت په دې اړه کوم ممانعت نه دى کړئ
والسلام
ځواب وركونكى: مولوي مجيب الرحمن منصور