![د اپنډيسايټس درملنه څه ده؟ 1 2H 14777](https://wasiweb.com/wp-content/uploads/2019/04/2H-14777.jpg)
د اپنډيسايټس درملنه څه ده؟
د اپندېسيټ درملنه د جراحي عمليات او د اپنډکس غوڅول دي چې د اپنډکټومي Appendectomy په نامه يادېږي. ځينې وخت داسې هم کیږی چې جراح د ناروغۍ د تشخيص په هکله شک ولري. پدې حالاتو کې غوره ګڼل کیږی چې د انتظار ويستلو پرځای جراحي عمليات ترسره شي ترڅو د ممکنه خطرونو مخنيوی وشي.
که چیری ته د اپنډکس د چاودېدو له کبله ابسِه جوړه شوې وي، درملنه په دوه مرحلو کې ترسره کیږی: لمړی دجراحي عمليات سره د ابسه زوې ويستل کیږی او څه موده وروسته بيا اپنډکس لرې کیږی. ښه ده چې د عمليات څخه مخکې ناروغ ته د مکروب ضد درمل ورکول شي.
که دجراحي له عمليات وروسته لاندينيو ستونځو سره مخ شوﺉ، په بیړه ډاکټر ته لاړ شی:
• پرله پسې کانګې
• د ګېډې مخ په ډېرېدو درد
• ګنګسيت او بې هوښه کیدل
• په کانګو يا تشو متيازو کې د وينې شتوالی
• تبه
• په عمليات شوي ټپ کې د زوې (چرک) شتوالی
په لنډ دول، په پام کې ولرﺉ چې د ډاکټر د ښوونې پرته د ګیډې د درد لپاره درمل مه کاروﺉ. د ناروغۍ د ښه او په وخت تشخيص لپاره غوره ګڼل کیږی چې د جراحۍ کارپوه يا متخصص سره مشوره وشي
داكتره مريم زينب