خرما یوه قوي او کامله غذا ده!؟
خرما د اوسپني،پتاشیم،منګنیز،د A ،B E,ویټامینونو په در لودلو سره یوه قوي او کامله غذا ده . نوي څیړني ښودلي ده چي خرما د بیلا بیلو سرطاني ناروغیو لکه د کولمو او معدي سرطانونه مخه نیسي . د خرما بله ګټه داده چي په معده کښي د زیاتو اسیدونو په له منځه وړلو کښي مرسته کوي . په معده کښي د اسیدونه له زیاتیدلو سره انسان ته د زړه درد پیدا کیږي . کوم څوک چي د زړه درد لري باید هر ورځ ۲-۳ خرماوي به جوش شویو اوبو کښي واچوي او لیږ وخت وروسته يي وڅیښي .
خرما د لویو سړیو او ماشومانو لپاره هم ډیره ګټوره ده . هڅه وکړي چي د بوري په ځای له خورما سره چای وڅښي . کوم څوک چي سخت جسمي کارونه کوي باید تل د سهار له ناشتي سره خورما وخوري .
100 ګرامه تازه خورما 163 کیلو کالوري انرژي 0,9 ګرامه پروتین ، 0,3 ګرامه وازګه ، 30 ميلي ګرامه فاسفورس، 3,1 ګرامه اوسپنه ، 51 میلي ګرامه کلسیم ،10 میلي ګرامه ویټامین C د انسان په بدن کښي جوړوي .
100 ګرامه وچه خورما 300 کالوری انرژي ، 2 ګرامه پروتین ،0,6 ګرامه وازګه ، 73 ګرامه ګلوګوز،50 میلي ګرامه فاسفورس ، 650 میلي ګرامه پتاشیم ، 65 میلي ګرامه مګنیزیم ، 70 ملي ګرامه کلسیم ، 2 میلي ګرامه اوسپنه ، 2 ګرام د نیسین اسید ، 4 میلي ګرامه ویټامین A د انسان په بدن کښي جوړوي .
