اوبه، چای، قهوه او څښاکروغتیايي لارښوونېوزن | وزن کمول| وزن زیاتول

خیټې اضافي وزن کمولو لارې چارې

د خیټې اضافي وزن کمول یو له ستومانه کوونکو کارونو څخه دی خو د دې موخې لپاره لاندې لارې چارې به ډیره زیاته مرسته وکړي.

۱- خپل ورځ د لیمو له اوبو سره پیل کړئ. دا یو له غوره مشورو څخه دی چې ډیرو ډاکټرانو لخوا ورکول کیږي. د یو یا دوه لیمو اوبه په یو ګیلاس ټړمو اوبو کې واچوئ او لږه اندازه مالګه هم په کې زیاته کړئ. دغه عمل جاري وساتئ ځکه چې له دې سره د میتابولیزم فعالیت زیاتیږي او د خیټې اضافي وزن له منځه ځي.

۲- له وریجو ځان وساتئ. د وریجو پر ځای له غنمو څخه لاسته راغلي توکي وکاروئ. خپل ورځنۍ خواړه کې سبوس لرونکی ډوډۍ، حبوبات او اوربشې زیاته کړئ.

۳- له بوره لرونکي خواړه او مشروباتو څخه ځان وساتئ. بوره لرونکي خواړه او مشروبات د بدن په مختلفو برخو کې په خاص ډول په خیټه کې د اضافي وزن لامل ګرځي.

۴- د خیټې اضافي وزن کمولو لپاره زیاته اندازه اوبه وڅښئ. زیات اوبه څښل په بدن کې د میتالولیزم فعالیت زیاتولو سره له بدن له زهري موادو پاکوي.

۵- زیاته اندازه اومه هوګه استعمال کړئ. کوښښ وکړئ هر سهار دوه یا درې پلۍ اومه هوګه وخورئ او له پاسه پرې یو ګیلاس د لیمو اوبه وڅښئ. دغه کړنلاره نسبت نورو ته دوه چنده لږ وخت کې اضافي وزن له منځه وړي او په بدن کې د وینې دوران اسانوي.

۶- زیاته اندازه سابه او میوه استعمال کړئ. سابه او میوه د بدن ویټامینونه بغیر له وزن زیاتولو پوره کوي او اضافي وزن کمولو کې ډیره زیاته مرسته کوي.

صافی بنسټ خبرتیا Safi Foundation Ads Donation

خپل نظر مو دلته ولیکئ

Back to top button
وسیع ویب
error: