شعر

ته ورسره وې کنه؟! – اشغالګر- شعر

زما مسجد چې نړېده ته ورسره وې کنه؟
قرآن چې اور کې سوځېده ته ورسره وې کنه؟

زما د ديني مقدساتو سپکاوی چې کېده
تا يې ملاتړ کاوه کنه،ته ورسره وې کنه؟

پردو چې زما د تور سريو په پت لوبې کړلې
پردي چې زما کورته راتله ته ورسره وې کنه؟

زما د شهيد ورورکي جسد چې يې په اور سوځاوه
ووايه تا ورته کاته ته ورسره وې کنه؟

زموږ ملګري چې يې هر وخت لاس تړلي بېول
زموږ مدرسې ته چې راتله ته ورسره وې کنه؟

وياړ چې شهيد شي دا پوښتنه به ضرور ترې کوي
زما له سر چې تېرېده ته ورسره وې کنه؟

شاعر: شرافت ویاړ

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: