احکام او مسایلحکمونه

آیا د سړو لپاره د سرو زرو استعمال حرام دی؟

کولائ شئ چي د سره زرو استعمال د سړو لپاره راته معلومات راکړی چی استعمال ئی ورته رواه ده اوکنه او همدارنګه د سپينو زرو استعمال هم؟

پوښتنه :نورحسن

جواب :

د سړو لپاره د سرو زرو استعمال حرام دی رسول الله صلی الله عليه وسلم فرمائي :

أبي موسى الأشعريِّ:

أنَّ رَسُولَ اللَّهِ صَلَّى اللَّهُ عَلَيهِ وسَلَّم قال: (حرَّمَ لباسُ الحريرِ والذَّهبُ على ذُكورِ أمَّتي وأحلَّ لأناثهِم (ترمذی ) .
د ابی موسی الأشعری نه روايت دی چه رسول الله وفرمائل چه ځما د امت د سړو لپاره د وريښمو جامی او سره زر حرام ګرځولی شوی دی او ښځو دپاره حلال شوی دی. (ترمذی ).

ځنی علماء پدی نظر دی چه که يواځی د طلا رنګ ولری مثلا ساعت نو پروا نلری او که ټول سره زر يا ځنی برخې يې له سرو زرو جوړی شوی وي نو بيا حرام دي .

د غاښونو د يوی خرابۍ په سبب د سرو يا سپينو زرو پوښ ورکول روا دي او صرف د ښايست لپاره پوښ ورکول مکروه دی .

(فقه حنفی ابوالمختار په حواله د کفايت المفتی ج ۲ ص ۳۱۳ )

درالمختار ليکې چې ددی خبری دجواز لپاره يو دليل دادی چې ځنو فقهاؤ پخپله هم دغه ډول غاښونه لګول اوهم يې د غاښونو کلکول يا تړل د سرو او سپينو زرو په تارونو کړی دی (درالمختار ج۵ ص ۳۱۸).

او همدارنګه د سرو اوسپينو زرو په لوښو کې خوراک او څښاک حرام دی :

عن حذيفة رضي الله عنه قال:

نهانا النبي صلى الله عليه وسلم أن نشرب في آنية الذهب والفضة، وأن نأكل فيها، وعن لبس الحرير والديباج، وأن نجلس عليه (البخاری ).

له حذيفة (رض ) نه روايت دی چه رسول الله صلى الله عليه وسلم

مونږ د سرو او سپينو زرو په لوښو کې د خوراک کولونه او د ديبا او وريښمو ( دواړه د ريښمو جامی دی ) اغوستلو نه منع کړی يو او په هغه باندې د ناستی نه یې هم منع کړی يو .

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: