د ښه پلار ځانګړنې:

۱. ښه پلار هغه دی، چې په زړه خوږ او په خوله تریخ وي. تر څو  خپل ماشومان زیات نازدانه را غټ نه کړي.

۲. ښه پلار هغه دی، چې خپلو اولادونو ته احترام ولري، یعنې اولادونه هیڅکله نه تحقیروي.

۳. ښه پلار هغه دی، چې تر هرڅه مخکې خپلو اولادونو ته د صداقت او ریښتینولۍ درس ورکړي.

۴. ښه پلار د خپلو اولادونو د خوشحالې او ښه ژوند لپاره زمینه برابروي.

۵. ښه پلار خپلو اولادونو ته وخت او پوره مینه ورکوي.

۶. ښه پلار په دې پوهیږي، چې اولادونه یې له ده څه تمه لري.

۷. ښه پلار سخت کار کوي، تر څو اولادونه یې خوشحاله او آرام ژوند ولري.

۸. ښه پلار د زوی او لور ترمنځ توپیر نه کوي.

۹. ښه پلار د خپلو اولادونو په روزنه او پالنه کې زیاته هڅه کوي.

۱۰. ښه پلار د خپلو  روخصتیو په ورځو کې خپلو اولادونو سره بهر ته د چکر او لوبو لپاره ځي.

۱۱. ښه پلار د خپلو اولادنو د زده کړو لپاره تر خپل وس  پوره او ښه زمینه برابروي.

۱۲. ښه پلار خپل اولادونه هڅوي، چې له مور سره یې د کور په کارونو کې مرسته وکړي.

۱۳. ښه پلار د خپلو اولادونو مثبتو غوښتنو ته مثبت ځواب وایي.

۱۴. ښه پلار د خپلو اولادونو سره د خپل کور او کار ځینې ستونزې نه شریکوي، تر څو یې د اولادونو فکرونه  بل خواته ولاړ نه شي.

۱۵. ښه پلار هغه دی، چې خپل اولادونه په ټولنیزو ستونزو خبر کړي، او په حل کولو یې ورسره مرسته وکړي.