یوې میرمنې په ۷۰ کلنې خپل لومړی ماشوم زیږولی
که څه هم په هند کې د مور کیدلو اوسط عمر ۱۹.۹ دی، خو په لومړي ځل په دغه هیواد کې یوې مور په ۷۰ کلنې خپل لومړی ماشوم زیږولی.
کاور او د هغې ۷۹ کلن میړه ۴۶ کاله وړاندې واده کړی او اوس يې لومړی ماشوم زیږولی.
د یادې جوړې له ماشوم زیږولو څخه تمه غوڅه وه، خو نوموړې میرمن د یو ډاکتر سره تر مشورو وروسته د یو زوی خاونده کیږي.
ماشوم ۴.۴ پونډه وزن لري او اوس يې روغتیا ښه ده.
ددې ماشوم ۷۰ کلنه مور وايي، چې خدای ددې دعاوې قبولې کړې او زوی يې ورکړ. هغه وايي: ((اوس ډیره خوشاله او صحتمنده ده او د خپل زوی خیال ساتي)).
میرمن کاور زیاتوي، چې میړه يې هم ډیر خوشاله دی او ددې سره پوره پوره مرسته کوي.
