ګازرې د سینې ( breast cancer) د سرطان خطر کموي!
اروپایې نویو څیړنو ثابته کړې چې ګازرې نه تنها دا چې د سترګو د لید (نظر) لپاره ګټه لري بلکې د سینې (تي) د سرطان احتمال کموي او په مخنیوي کې یې مرسته کوي.
دا څیړنې څرګندوي چې د ښځو لخوا په پرله پسې توګه د ګازرو خوراک د سینې(تي) سرطان سره د دوی د مخامخ کیدو احتمال ۶۰٪ سلنه کموي، دا څیړنې وایې چې د هغو میوو او سبزیجاتو خوراک چې بیټا کروټين (beta-carotene) مادې او ویټامینونه پکې شته دي لکه پالک، سور مرچک، آم او داسې نور هم د ګازرو په څیر اغیز او ګټې لري.
بیټا کروټين هغه طبیعي کیمیاوي ماده ده چې غذائي نباتاتو ته روښانه رنګونه ورکوي، له کلونو راهیسې ډاکټران او پوهان د بیټا کروټین د خوړلو توصیه کوي ځکه د بیټا کروټين خوړل د ډیرو مهلکو ناروغیو لکه د سرطان تومورونو، د زړه ناروغيو او د وینې د رګونو بندیدو مخه نیسي، خو نوې څیړنې دا نتیجه ورکوي چې بیټا کروټين د سینې(تي) د سرطان په مخنیوي کې تر نورو ډير مؤثر ثابتیدلی شي.// ژباړه: محمد
