که په نړۍ کې اتومي جنګ پيل شي تر ټولو امن ځای کوم دی چې پکې پټ شو؟
د Anonymous ويب سايټ د خبر له مخې روسان په دې ډاډه دي چې درېيم نړيوال جنګ هر وخت پېښېدونکی دی نو له همدې امله يې ځينو شتمنو د داسې پناه ځايونو په جوړولو پيل کړی چې د روزمره ژوند هر څه ورسره دې پناه ځای داخل ته يوسي او اتومي بمونو په امان پاتې شي خو دا کار يوازې شتمنو د ځان لپاره کړی دی عام وګړي به څه کوي؟
د ټولنيزو شبکو ډېر کارونکي په دې باور دی چې ټول هغه کسان چې ددې خاورينې ځمکې ( په شمالي نيمه کره کې اوسي) په اتومي جنګ کې به ډېر تاوان ووينې او ډېر تلفات به هم ورکړي. د دوی یې ډېر په دې باور دي چې روسيه او د شمالي اروپا هېوادونه او همدارنګه امریکا به په راډيو اکټيف موادو ويجاړه شي. او که څوک ژوندي هم پاتې شي بايد د خپلې بقا لپاره وجنګېږي.او نړۍ به World War Z فلم صحنو په ډول ويرانه شي.
له دې سره د ټولنيزو شبکو زياتره کارونکو ويلي دي چې د ځمکې جنوبي نيمه کره او په ځانګړي ډول د (نيوزيلېنډ) ټاپو به په نړۍ کې له اتومي بمونو څخه د بچ کېدو ښه ځای وي ، يو خو له نورې نړۍ څخه واټن لرې دی او بل دا چې له ستراتيجيک نظره مهم ځای نه دی، ځمکې يې حاصلخېزې او د خوږو اوبو ښې ذخېرې لري او ښه سيمه ده.
ځينې نور وايي چې د استراليا پرت ښار هم د اتومي بمونو څخه د څنګ ته کېدو لپاره ښه ځآی دی
د ګارډين برتانوۍ ورځپاڼې د راپور له مخې د جنوبي ارام سمندر د ايسټر ټاپو هم د اتومي بمونو څخه د خونديتوب لپاره ښه ځای دی.
بايد وويل شي چې د نړۍ له نيمايي ډېر نفوس په شمالي نيمه کره کې اوسي. او د اتومي جنګ په پیل کېدو سره به همدوی تر ټولو ډېر زيان وويني ، او که هايدروجني بم پکې وکارول شو، چې له اتومي بم څخه هم قوی دی بيا خو تر ۱۶ کيلومتره پورې هرڅه يوه لوخړه کوي، د انسانانو پوستکي اوبه کوي، ونې او بوټي اور اخلي او که يو نيم ژوندی هم پاتې شه په هوا کې د موجود راډيو اکټيفي موادو له امله به مسموم شي.
او ویل کېږي چې که امريکا له نړۍ سره په اتومي بريد کې ښکر په ښکر شي د امريکا ۷۰۰ فيصده نفوس به په دې اتومي جنګ کې له منځه لاړ شي.
لیکوال:نوراحمدعایل
