په نهاره اوبه څښل، د وژونکو ناروغيو مخه نیسي
طبي څیړنو په نهاره د اوبو څښلو ارزښت په څو ځله ثابت کړی. تازه یوې جاپانۍ طبي ټولنې د یو شمېر خطرناکو ناروغیو د مخنيوي لپاره په نهاره اوبه څښل ۱۰۰ سلنه اغېزناک او ګټور بللي.
د سر درد، ځان درد، زړه سیستم، د بندونو پاړسوب، د زړه چټکه درزا، عصبي ناروغي (میرګي)، زیات چاغوالی، نفس تنګي، توبرکلوز، د مغزو د پاړسوب ناروغي، د پښتورګو ناروغۍ، قی، د معدې جوش، اسهال، بواسیر، د شکرې ناروغي، قبضیت، په سترګو پورې ټولې ناروغۍ، په مېرمنو کې د (رحم) ناروغي، د سرطان ناروغي، د غوږو، پوزې او ستونې ناروغیو لپاره په نهاره د اوبو څښل دارو دي.
هر سهار کله چې له خوبه بیدارېږۍ مخکې له دې چې خپل غاښونه بُرس کړﺉ ۴ ګیلاسه اوبه وڅکئ.
هغه وګړي چې د عمر له لحاظه زیات او یا هم ناروغه وي او نشي کولی۴ ګیلاسه اوبه وڅښي په پیل کې کولی شي له کمو اوبو څښلو پیل وکړي او په تدریجی ډول د اوبو څښاک زیات کړي.
په نهاره اوبه څښل، په ۳۰ ورځو کې دننه د فشار تکليف کموي او عادي حالت يې راګرځوي.
