د تغذیې د برخې څېړونکو موندلې چې مالټې د سرطان ضد ځانګړنې لري. مالټه په خپل ترکیب کې په زیاته کچه ويټامین سي لري. مالټه پر ويټامینونو سربېره کلسیم، فاسفورس، اوسپنه او کاني مواد لري چې د هډوکو په وده او د غاښونو په پیاوړتیا کې خورا مهم رول لوبوي.

پوهانو وايي، که مالټه د ستړیا په وخت کې وخوړل شي نو د ستړیا د ختمېدو سبب کېږي.
د مالټې اوبه د کاني توکو او پوتاشیم درلودونکې دي، همدا شان مالټه د وینې په پاکولو کې مهم رول لوبوي، سینې ته نرموالی او اعصابو ته ارامتیا وربښي. د مالټې پوستکی چې ګازي او مېکروب ضد خاصیتونه لري، په مېکروب ضد ملهمونو کې ترې ګټه اخیستل کېږي.