د وینې فشار یو له ډیرو عامو ناروغیو څخه دی چې د نړۍ ډیر خلک ترې شکایت لري. د وینې لوړ فشار ډیر زیات زیانونه لري چې د زړه حملې لامل هم کیدی شي.

خو د نړۍ ټول خلک د وینې لوړ فشار نه لري ځینې خلک د وینې ټیټ فشار لري چې غواړي دغه ټیټ فشار لوړ کړي. د وینې ټیټ فشار هم ډیر زیانونه لري چې انسان د مرګ لامل هم کیدی شي. په همدې اساس دلته مو له داسې لارو چارو سره اشنا کوو چې د ټیټ فشار په لوړولو کې زیاته مرسته کولی شي.

۱- یوه خاصه اندازه زیات قند لرونکي او غوړ لرونکي خواړه استعمال کړئ. خو د دې تر څنګ پام کوي چې په کافي اندازه میوه او سابه هم استعمال کړئ.

۲- د بي ویتامینونه (B Vitamins) استعمال زیات کړئ. څیړنو ثابته کړې چې د بي کورنۍ ویټامینونه د وینې جریان ښه کولو سره د وینې فشار نورمال حالت ته رسوي.

۳- خپل خواړه کې د مالګې او سودیم اندازه زیاته کړئ. مالګه او سودیم د وینې جریان چټک کوي چې په مرسته يي د وینې فشار لوړیږي.

۴- څو ګیلاسه اوبه وڅښئ او د اوبه یوه خاصه اندازه څښل خپل د ورځنۍ ژوند یوه اړینه برخه وګرځوئ.

۵- کوښښ وکړئ چې وینه مو نری کړئ. په بدن کې د وینې ټینګیدل د وینې فشار ټیټوي چې د وینې فشار دغه ټیټیدل کله نا کله د مرګ لامل هم ګرځي.