شریعت او د ښځو طبابت؟ (فتوى)
پوښتنه:
یوه تکړه او ذهینه نجلۍ غواړي چې د طب په برخه کې لوړې زده کړې وکړي، خو کورنۍ او خپلوان یې اجازه نه ورکوي، ځکه چې دغه کار ګناه ګڼي، پدې اړه ستاسې نظر غواړو؟
ځواب:
د نجونو لپاره د طب په برخه کې لوړې زده کړې ډیرې ضروري او اړینې دي، ځکه چې د ښځو د علاج او درملنې لپاره باید ښځې ډاکترانې موجودې وي، نو هغه نجونې چې غواړي د اسلام د احکامو په مراعاتولو سره د طب زده کړې وکړي باید مور او پلار او کورنۍ یې اجازه ورکړي، خو پدې شرط چې د هغې دینداري له ګواښ او خطر سره مخ نشي، ځکه چې د طب د علم له اهمیت سره سره د نجونو دیني او اخلاقي روزنه او د هغې اخروي ژوند له بربادیدو نه ژغورل ډیر اهم او ضروري دي.
منبع:
تفهیم المسائل کتاب ۴ جلد ۲۱۸ مخ
مفتي: شیخ القرآن والحدیث مولانا ګوهر الرحمن (رح)
