زموږ ښځې نېكمرغه دي

 …خو د دې پر خلاف كه اسلامي ټولنه په پام كې ونيسو نو زموږ ښځه ډېره نېكمرغه ده، دلته ښځه خور، لور، مور، او مېرمن او د مېړه د كور او مال خاونده ده.

 محمد مدثر اسلامی

له ماشومتوبه به مې پلار، مور او نورو مشرانو راته ويل چې د لويديځ بې دينه خلك  څارويو په شان ژوند كوي. نو زه به حيران وم چې دا به نو څه ډول خلك وي. ذهن كې به مې راګرځېدل كيداى شي هغوى به د ښكاره جوړښت له مخې څارويو ته ورته وي. بيا به مې په همدې اړه له مشرانو بيلا بېلې پوښتنې كولې خو هغوى به تل پوهولم چې هغه خلك كټ مټ زموږ په څير دي خو خو كارونه د څارويو كوي. دا چې زه ورو ورو لويېدم نو پدې اړه به مې ډيرې پوښتنې نه كولې خو كه ريښتيا ووايم زه مې بيا هم نه منله چې څوك دې د څاروي په ډول سلوك وكړي.
كيداى شي الله پاك به غوښتل څو دا كرغېړن واقعيت په خپلو سترګو ووينم نو ځكه د پوهنتون په لومړي كال اروپا ته زما د سفر موكه برابره شوه. كه څه هم د نومړي سفر موخه د لويديځوال كلتور سره د مثالي ژوند لارې په توګه اشنايي ښودل كېده خو موږ په ريښتيا هم دې مثالي (!) تمدن ريښتونې څېره ډېره وپېژنده.

مسلمانې خورې!
له ډېرې مودې راهيسې د نړۍ په لروبر كې ستا د دين دښمنان هڅه كوي څو د اسلامي سپېڅلو شعايرو په اړه ستا او ستا د نورو خويندو په زړونو كې شكونه پيدا كړي. په نړيواله كه ې څومره وګړي په اصطلاح د ښځو حقونو (!)، بشر حقونو (!)، بيان ازادۍ (!) ډيموكراسۍ (!) او نورو ادارو كې ګمارل شوي او هغه پيسې چې د ښځو د حقونو د خوندي ساتلو لپاره لګيږي يواځينۍ موخه يې دا ده چې تا مسلمانه خور له خپل دين نه زړه تورنه كړي. خو زه باوري يم چې ان شاء الله ته به تر دې ډېره پياوړې او په دين ټينګه ولاړه وې چې د دوى په خبرو دوكه شې.
د لويديځ مېشتو ښځو د ژوند انځو له لرې ډېر ښكلى او په زړه پورې ښكاري خو كه له نږدې ورته ځير شئ نو بيا تر ټولو بد انځور به مو تر سترګو شي. دومره ناوړه چې په ليدو به يې ستا له زړه د درد او غم كړيكه اوچته شي او له سترګو به دې ورته اوښكې وبهيږي. د دې تر څنګ به د الله جل جلاله شكر پر ځاى كړې چې ته يې مسملمانه پيدا كړې يې.

ګرانې خورې!
هغوى هغه څه ته پرمختګ او هوساينه وايي چې ته يې كيداى شي وحشت او بربريت وبولي، هغوى ستا د خويندو (لويديځوالو پېغلو) شرف او عزت لوټلى، هغوى په يوه او بله بهانه د ادم او حوا لوڼې بې پردې كوي، هغوى د خپلو نفسي او شهواني غوښتنو د پوره كولو لپاره د زرګونو پېغلو له جسمونو څخه ناوړه او نامشروعه ګټه پورته كوي.
هلته هره نجلۍ د اتلس كلنۍ عمر ته تر رسېدو وروسته يواځې د دوه څيزونو په اړه فكر كوي. د باى فرېنډ او مناسبې دندې د موندلو په هكله. بيا كله چې كومه نجلۍ ځان ته د اوسېدو د ځاى او ډوډۍ پيدا كولو لپاره مناسبه دنده پيدا نكړي نو د يو څو پيسو په بدل كې د خپل جسم پلورلو ته چمتو شي.
ډيرې نجونې مې داسې وليدې چې څو خويندې له بېلا بېلو پلرونو څخه پيدا شوې وې. هغه هم پداسې حال كې چې د يوې مور او پلار هم سره واده نه و كړى او يواځې د يو څه وخت لپاره سره يوځاى شوي و او بئيا هر څوك په خپله لار پسې تللي و. داسې خلك خو پكې ډېر نېكمرغه و چې كم تر كمه پلار او مور به ورته معلوم و. په زرګونو داسې نجونې او هلكان و ې د پلار او مور يې هېڅ درك نه و.

هلته نجونې د پيسو د لاسته راوړو لپاره تر نيمو شپو په كلبونو او ډيسكوګانو كې نڅا كوي او بيا د شپې پاتې برخه د كوم وږي تږي لېوه ښكار شي. ښكلې نجونې په رېسټورانټونو كې د خپلې ښكلا او ښكون په مرسته د پيرودونكو د جذبولو لپاره په دنده ګمارل كيږي. او په نجونو نور ډېر داسې څه تيريږي چې بيانول يې كيداى شي يو كتاب وغواړي.
هلته ريښتيا هم ښځه ډېره بدمرغه او خواره ده او ژوند د حيوانيت دى.
خو د دې پر خلاف كه اسلامي ټولنه په پام كې ونيسو نو زموږ ښځه ډېره نېكمرغه ده، دلته ښځه خور، لور، مور، او مېرمن او د مېړه د كور او مال خاونده ده. زموږ ښځه د ژوند د ملګري د موندلو لپاره مجبوره نه ده لالهانده شي لكه د هغوى نجونې چې د باى فرېنډ د پيدا كولو لپاره سرګردانيږي. نه يواحې دا بلكې دلته ښځه په دېره حيا كې د يوه ځوان د ژوند ملګرې جوړيږي. له اقتصادي پلوه زموږ ښځه تر ټولو خوندي ده ځه هغه د سړي په شتون كې هېڅ اړتيا نلري چې ځانته د نفقې د برابرولو لپاره ځان په كړاو كې واچوي آن تر دې چې د ښځې نفقه يې پر سړي فرض كړې ده.

مؤمنې خورې!
د الله جل جلاله له لوري د دومره سترو پېرزوينو په بدل كې تا ته پكار دي څو خپل رب ته په شكرانې كې ټول ژوند د الله جل جلاله په دين سمبال كړې او هڅه وكړې څو دا نيكمرغي له خپلو هغو خويندو سره هم شريكه كړې چې ترې محرومې دي.