22 وياړلي اصول د کرکټر د جوړولو لپاره
کرکټر د انسان د وجود داخلي ځانګړتياوې او جذبې دي چې تر ډيره د انسان د فکر عمل کولو بڼې ته اطلاق کيږي.
۱- د باور وړ آر رښتيني انسان په توګه ژوند وکړئ.
۲- هېڅکله فريب او دوکه مه کوئ.
۳- هېڅکله غلا مه کوئ، ديو چا له اجازې پرته يو څه نه اخلئ.
۴- خپل ملګري په دقت سره وټاکئ، ځکه چې د ملګرو کرکټر ستاسې په کرکټر اغيزه کوي. له لوړ کرکټر لرونکو کسانو سره
ملګرتيا کول.
۵- خپله تګلاره د ټولنې د ارزښتونو پر بنسټ وټاکئ؛ او ښه کارونه وکړئ.
۶- په خپلو ژمنو کلک دريدلي اوسئ.
۷- د مسؤليت منوونکي اوسئ، پر نورو د واک چلولو فکر مه کوئ؛ ځکه چې واک او قدرت يو مسؤليت دی.
۸- تل د اعتماد او باور پياوړي کولو لپاره کوښښ وکړئ.
۹- خلکو ته د سپکو او سپورو له ويلو څخه ډډه وکړئ ځکه چې، دا ستاسې په کرکټر باندې منفي اغیزه کوي.
۱۰- تل خپل وجدان ژوندی وساتئ، ځکه د وجدان مړينه ستر عذاب ده، او ستاسې دکرکټر دمړينی سبب ګرځي.
۱۱- تر څو مو چې ټول حقيقتونه درک کړي او سنجولي نه وي؛ نو د نورو په اړه قضاوت مه کوئ.
۱۲- د بل چا تقليد مه کوئ، په ټولنه خپل رول ادا کړئ، په خپلو منفي کارونو مه وياړئ او هغه د خپل ژوند څخه لرې کړئ.
۱۳- تل له نورو سره مرسته کوونکي اوسئ.
۱۴- د تېروتنې په صورت کې بخښنه غوښتونکي اوسئ، او د نورو تېروتنې هم وبخښئ. همدارنګه له خپلو او د نورو له تېروتنو څخه زده کړه وکړئ.
۱۵- خپل والدين وياړمن کړئ. دوئ په تاسې حساب کوي او همېش د خپلو والدينو منندوی اوسئ.
۱۶- تل نرمې کلمې او نرم الفاظ کاروئ مګر کلک استدلال کوئ.
۱۷- لطفا، مهرباني، مننه او په درنښت هغه کلمې دي چې هېڅکله نه زړيږي.مګر ستاسې کرکټر ته ځواني ورکوي.
۱۸- تل زړه سواندي او نرم اوسئ؛ ځکه چې يوازې کمزوري خلک سخت زړي او ظالمان وي.
۱۹- د بې ارزښته کېدو پر ځای ځان ته ارزښت ورکړئ.
۲۰- له اوازو او بې بنسټه خبرو څخه وساتئ. ټوکو، مسخرو،کرکې او بدبينۍ څخه ځان وساتئ.
۲۱- تل د ټولنې ته د خير رسولو په فکر کې اوسئ؛ او د همدې هدف لپاره عملي اقدام وکړئ.
۲۲- په اخره کې د غوره او وياړلي کرکټر لرلو لپاره په اونۍ کې يو کتاب ولولئ؛ تر څو مو ذهن سره سره کرکټر او شخصيت هم قوي شي.
