د مور او پلار مهمی دندی!
د مور او پلار لپاره دغه هم مهمه ده چی د خپلو ماشومانو اداره کولو تر څنګ باید د خپلی کورنی او ټولنی نورو غړو سره هم ښه علاقه او خپل ښه او بد ورته څرګند کړي، مور او پلار باید دومره ډیر څه وکړی ، تر څو خپل ماشومان د ښه انکشاف لپاره برابر کړی.
د مور او پلار له مهمو دندو څخه اصلی هدف احترام کول او مثبته سیالی ده ، چي دوی د خپل شخصیتونو لپاره حاصیت لوړتیا او لاسته راوړنی ولري، بغیر د لارښوونی او امر کولو څخه هم مور او پلار کولای شي چي نورو ته الهام ورکړی تر څو د ترقی لپاره لا کوششونه وشی ، ځکه هلته د دوی موجودیت زیات رول لری .
هروخت موراو پلار باید د خپلوماشومانو سره خبري وکړی ، د دوی سره باید فعاله ژوند وکړي او خپل وخت ورکړی تر څو د هری موضوع او خبرو ته ورته غوږ ونیسی چي یو په بل د مینی درلودلو او احترام کول احساس وکړي.
د مور او پلار دغه دندو تر سره کول بشری او انسانی دي؛ له ماشومانو څخه غلطی کیږي، مور او پلار هغه څوک دي چي د دوي غلطی ومنی او دوی ته زده کړه او لارښوونه وکړی ، کوشش وکړی چي دوي خپل ځانونه لا ښه کړی او خپل قوت د ماشومانو په روزنه، پالنه او لویولو کې څرګند کړی.
که چیری مور او پلار د زیات پر مختګ لپاره خپلو ماشومانو ته ډیره لارښوونه وکړی ، او دوي ته په ډیرود کورنی موضوعګانو کې ورته وخت ورکړل شي ،نو د ماشومانو ذهن لوړیږی زیرک کیږی او بیا د خپل مور او پلار ته زیات احترام ساتی او هغوی سره ئې مینه زیاتیږی، نو هغوی بیا د مور او پلار هري مشوری او لارښوونی ته ښه غوږ نیسی ، دغه کورنی بیا د ټولنی لپاره ښه مثال کیږی او نورو کورنیو او ټولنه باندې ښه زیری اچوی او له دغی کورنی څخه نوری ډیری کورنی عبرت او څه ور څخه زده کوی ، بیا د څو سالمو کورنیو رامنځته کیدل یوه سالمه ټولنه منځ ته راځي.
مور او پلار باید لاندې څو بنسټیزی نقطی خپلو ماشومانو ته ور وپیژنی:
۱ – احترام کول د ټولنې ښه شیانو لومړی ریښه ده .
۲ ـ خوی او عادت ( چي پوه شی چي نور انسانان هم انسانان دي) .
۳ ـ ګټل او بایلل .
۴ ــ ځان بریالی کول، ځان ښودنه او کار کول .
۵ ــ د شخصیت او کارنامو مقام او خاصیت .
۶ ــ د کار ،غوسی، تاوان او خفګان په وخت کې حوصله او زغم درلودل .
۷ ــ په ځان کې د رښتیا ویلو ښودنه ،ځکه رښتیا ویل د ناوړه خبرو مخنیوی کوي .
۸ــ له هر شی څخه زده کړه کول .
۹ ـ هر وخت دوی ته هر کلی او خوشحالی څرګنده ول .
۱۰ ــ له دوی سره زیات وخت پاتی کیدل .
۱۱ ــ له دوی سره مهربانه اوسیدل .
۱۲ــ دوی زیات وخت حمایه کول.
پورته ټولی هغه کړنی چي مور او پلار په خپلو مسولیتو کې بریالی کوی،او یوه ښه کورنی منځته ته راوړی شي.
