د بازاري نوشابو پرځای شيدې یا شړومبې وڅښئ!
د بازاري نوشابو (مشروباتو) په ځای شیدې او د شیدو محصولات وڅښئ .
اوسمهال د افغانستان په ښارونو او آن کلیوالو سیمو کې بازاري نوشابو لکه کوکا کولا ، پيپسي ، پانتا ،سون اپ ،ډیو ، سپرایت او نورو ډول ډول بازاري د څښلو مایعاتو د میلمستاوو دستراخوانونه نیولي په داسې حال کې چې په دې سیمو کې شیدې او د شیدو محصولات په پریمانه ډول موندل کیږي .
څیړنې ښيي چې دا مشروبات روغتیا ته سخت زیان لري .
د ډاکترانو څیړنو ښودلې چې بازاري ګاز لرونکي مشروبات د هډوکو د سختو ورستیدو ،دیابیت (شکر) ناروغۍ د معدې او هضمي سیستم د سختو او خطرناکو ناروغیو او کاذب چاغوالي لامل ګرځي .
ډاکتران پر دې باور دي چې نوشابې د زړه د خطرناکو ناروغیو او د وینې د رګونو د تنګوالي او بندیدو لامل ګرځي او د یوې نوشابې له څښلو وروسته بایدیو ساعت منډه یا سخت فزیکي کار وکړئ شي تر څو هغه زیان جبیره کړي چې د نوشابې د څښلو له امله د هغه بدن ته واردیږي .
ډاکتران وايي بازاري نوشابې هیڅ کوم داسې مواد نه لري چې بدن ته ګټه وروسوي بلکې له دې سر بیره بدن ته لا ډیر تاوانونه هم لري .
په داسې حال کې چې شیدې او محصولات ېې لکه تروې ، شړومبې ،مستې ، کورت ،کوچ ،پنیر، خیدګ ، او داسې نور له کافي انرژۍ درلودلو سربیره د پروتینو ، اوسپنې ، ویټامینونو ،مینرالونو او د بدن د اړتیا وړ نورو موادو درلودونکې دي او د نوشابو په پرتله ارزانه هم دي،
څیړونکي په دې باور دي چې د نوشابو جوړونکې کمپنۍ په دې اړه ډیر منفي تبلیغات کوي تر څو خلک د خپلو محصولاتو اخیستنې ته وهڅوي په داسې حال کې چې دا کمپنۍ تر ډیره په نيواکګرو او اشغالګرو هیوادونو پورې هم تړلې دي .لکه: پيپسي چې نوم يې هم له لاندې جملې څخه مخفف حروف دي:
Pay even single penny for the safety of Israel
P E P S I
هر کس باید د اسرائیلو د ساتلو لپاره یوه روپۍ (د پیپسي په اخیستلو کې) ورکړي تر څو اسرائیل وساتل شي .
نو بهتره دا ده چې د کيماوي خطرناکو نوشابو پرځای له شړومبو کار واخستل شي، او که نعناع او بادرنګ پکې واچول شي ډېر خوندور به هم وي.
