د اېکالوژي برخې څپرکي لنډيز
- له د ژونديو موجوداتو او چاپېريال ترمنځ متقابل عمل د اېکالوژي په نامه يادېږي. اېکوسیستم په يو چاپېريال کې د ژونديو او غير ژونديو موجوداتو له مجموعې څخه عبارت دی.
- د يو اېکوسیستم ژوندۍ اجزاوې له توليدوونکو، مصرف کوونکو او تجزيه کوونکو څخه عبارت دي.
- د يو اېکوسیستم غيرژوندۍ اجزاوې له: خاورې، اوبو، تودوخې درجې او رڼا څخه عبارت دي.
- په اېکوسیستم کې غير ژوندۍ اجزاوې د ژونديو اجزاوو د اوسېدلو د ځای تعينوونکي دي.
- اېکوسیستم په دوه ډوله دی: د وچې اېکوسیستم او د اوبو اېکوسیستم.
- د وچې په اېکوسیستم کې ځنګلونه، واښه لرونکي ځمکې، دښتې او نور شامل دي.
- د يو خاص اقليم يوه مشخصه سيمه چې په هغې کې ژوندي موجودات ژوند کوي، د بايوم په نامه يادېږي.
- په سمندر يا اېکوسیستم کې مختلف ژوندۍ اوغير ژوندۍ اجزاو ېوجود لري،مثًلا:غير ژوندۍ اجزاوې لکه اوبه، د اوبو د تودوخې درجه، د اوبو ژوروالی، اوبو ته د لمر د رڼا د تېرېدلو له کچې څخه عبارت دي. ژوندۍ اجزاوې لکه: نهنګان، پلانکټونونه، کبان، کشپان، ډولفين او د سمندري نباتاتو ډولونو څخه عبارت دي.
- اېکولوژيستان د يو ژوندي موجود يوه مشخصه نوعه مطالعه کوي. په اېکوسیستم کې د زيات شمېر ژونديو موجوداتو پر متقابل عمل باندې ځان پوهوي او له نورو نوعو سره ددې نوع متقابل اړيکي مطالعه کوي.
