د ارثي صفتونو څپرکي لنډيز
د غيرعادي صفتونو او په ارث اخېستل شوو خاصو ارثي ناروغيو او صفتونو د تحقيق او څرنګوالي په باره کې له جنتيکي خاېص نسبنامې يا جرړې څخه کار اخېستل کېږي. ارثي نسبنامه موږ سره مرسته کوي چې د هغې په احتمال باندې پوه شو چې د ناروغۍ توليدوونکي د کوم خاص جين څومره لېږدوونکي يو.
ناقل هغه چاته ويل کېږي چې د ناروغۍ د توليدوونکي اليلونو لېږدوونکي وي، خو ظاهري شکل يا فينوټايپ يې د هغې ناروغۍ ښکارندوی نه وي.
جنس پورې تړلي صفتونه هغه صفتونه دي چې جينونه يې په جنسي کروموزومونو ( ( X,Yباندې واقع وي. په انسان کې د کروموزومونو شمېر ٢٣ جوړې دی چې ٢٢ جوړې يې جسمي کروموزومونه او يوه جوړه يې جنسي کروموزومونه دي چې په انسان کې جنس تعينوي.
هرکله چې په کروموزومونو کې بدلون راشي يعنې کم يا زيات شي ذکر شوی وګړی يا ژوندی نه پاتې کېږي يا په ذهني وروسته والي )ډاون سنډروم) اخته کېږي.
