خندا دا نسان روغتيا ته ګټه رسوي
خندا د انسان په بدن کې انرژي ډېروي او روغتيا ته ګټه رسوي. په نړۍ کې اوس داسې مرکزونه شته چې هلته پريشانه او خفه خلک خندا ته هڅول کيږي.
د دغه مرکزونو څخه يو په امريکا کې هم دی، د دې مرکز کارکونکي وايي : کله چې مونږ دهغو ناروغانوپه خندولو پيل وکړ چې د ځان وژنې نيت يې درلود ،نو دا کارراته ډير خندنې بريښيده او زمونږ پرې ډېر باور نه و. خو وروسته په دې پوه شو چې په خندولو سره د ډېرو خلکو ژوند وژغورل شو.
د امريکا د کليفورنيا دعامې روغتيا په يوه روزنيز مرکز کې ډاکټر ليبريک د څيړنو څخه وروسته وويل چې د خندا سره د انسان معافيتي سيسټم يا هغه توکي چې د انسان بدن ته د ناروغيو په وړاندې ډېرځواک بخښي ، پيا وړی کيږي.
ساينسي څيړنو ښودلي چې خندا د انسان په فزيکي روغتيا هم ښه اغيز لري. خندا نه وروسته د انسان د ويني فشار نورمال حالت ته راځي، له خندا سره په وينه کې اکسيجن ډېريږي او په دې توګه د انرژۍ اندازه هم اوجتيږي. د بدن عضلات اراميږي اوزړه او تنفسي سيسټم هم ډېر ښه کار کوي.
کوچۍ
