جنت د څه شي څخه جوړ دی؟
د حضرت ابوهریره رضي الله عنه بیان دی، چي ما عرض وکړ، ای د الله رسوله صلي الله علیه وسلم! جنت د څه شي څخه جوړ دی؟
د دې په ځواب کي نبي کریم صلي الله علیه وسلم وفرمایل: د جنت یوه خښته د سروزرو ده او یوه خښته یې د سپینو زرو ده او د هغه مساله (هغه شی چي دا خښتي یې سره یوځای کړي دي) د تېز خوشبوداره مشکو څخه دي، د هغه کاڼي د ملغلرو او یاقوتو دي او د هغه خاوره د زعفرانو ده، کوم سړی چي جنت ته داخل سي، همېشه به په نعمتونو کي اوسېږي او هیڅکله د یو شي ته نه اړ کیږي، همېشه به ژوندی وي او مرګ به نه ورته راځي، نه د جنتیانو جامې زړيږي او نه به د هغو ځواني ختميږي.
( مشکوة شریف ص۴۹۷د احمد و ترمذي څخه)
