بې غرضه ښېګڼه

کله چې له یو چا سره ښېګڼه وکړې د شکریې او مننې مه ورته وایه، بلکي له ښېګڼې وروسته مخ ور نه واړوه، څو د هغه کمزوري او حیا ستا په مخ کې بربنډه نه شي، موسی علیه السلام چې د مدین ښار د سپینږیري شعیب له لوڼو سره ښېګڼه وکړه د هغوی میږي یې وراوبه کړې نو له دوی نه روان شو او د یوې ونې سیوري ته کښېناست. فَسَقَى لَهُمَا ثُمَّ تَوَلَّىٰ إِلَى الظِّلِّ .القصص 24.

د دا ډول سوچه، او بې غرضه مرستي او ښېګڼې اجر باید یواځي له الله نه وغوښتل شي، لکه موسی علیه السلام چې له وني لاندې له الله نه وغوښتل: څښتنه! زه ستا ښو ته اړ یم، او الله جل جلاله د شعیب له همدې دوو لوڼو نه یوه یې د ده په نصیب کړه.