په دفتر کې دې له سترګو خوب څاڅي؟ نو څه وکړو؟
ایا په دفتر کې خوب درځي؟! څنګه یې مخنیوی وکړئ؟!
که په دفتر کې خوب درځي، نو یواځې ته نه يې. تازه څیړنې ښيي، چې داسې ډیر خلک شته چې په دفتر کې د کار پر مهال خوب ورځي. خو څنګه دا ډول یو حالت څخه ځان خلاص کړو؟
بي خوبي اوس په یوې عامې ستونزې بدله شوې. تاسې به په دفتر کې خپل داسې همکار هم لیدلي وي، چې لا له سهار په میټینګ کې به يط سر له خوبه زنګیږي او خوب به ورځي. دا یواځې ستاسې همکاران نه دي، چې په دفتر کې خوب ورځي، بلکي په امریکا کې د دریو کمپنیو په ۱۱۳۹ یولس سوه نهه دیرش کاروکونکو څیړنه شوې، چې په سلو کې ۱۵ ته يې کم تر کمه په اوونۍ کې یو ځل خوب ورتلو.
ولي خوب ورتلو؟!
ځکه چې دوې د شپې پوره خوب نه درلود. خو ولې يې د شپې خوب نه و؟
څلور اساسي عوامل دي، چې د پوره او ښه خوب مخنیوي کوي: تشویش او اندیښنه، ذهني فعالیت، فزیکي ناارامي لکه د بدن دردونه، او د خوب نامنظم چاپیریال لکه ډیره ګرمه او یا ډیره یخه کوټه، نامنظمه بستره… .
د نشنل سلیف پونډیش یوه څیړنه بیا وايې، چې ۲۹ سلنه خلکو ته په دفتر کې خوب ورځي او ۳۶ سلنه خلک بیا د موټروانۍ پر مهال خوبولي وي.
که موږ ته په دفتر کې خوب راځي، زموږ ټول کارونه زیانمنوي: تصمیم نه شو نیولای، تمرکز پر کار نه شو کولای او له همکارانو سره ښه رویه نه شو کولای.
د پوره خوب نه کولو بیلا بیل عوامل دي، خو څنګه وکړو، چې پوره خوب وکړو او په دفتر کې خوب رانشي؟
۱ـ تمرین وکړئ. هر ورځ کم تر کمه څو قدمه پیاده وګرځئ.
۲ـ کله چې کار کوې، هر ساعت وروسته ۵ دقیقې وقفه وکړئ. په وقفه کې په خپل دفتر کې قدم ووهئ.
۳ـ په خپل غذايي رژیم له سره فکر وکړئ. باانرژي عذا وخورئ
۴ـ له ویده کیدو مخکې د خوب د کوټې ګروپونه مړه کړئ.
څه باید ونه کړو؟
۱ـ ډیره بوره او کافین مه استعمالوئ.
۲ـ په بستره کې تلویزون او یا هم په خپل موبایل کې انټرنیت یا ویډو مه ګورئ.
۳ـ د بسترې روجيي په اوونۍ کې یو ځل ضرورو بدله کړئ.
۴ـ د شپې ناوخته پورې مه کینئ.
هو، که چیرې ستړی یې یا شپه دې لږ خوب کړی وي، نو په دفتر کې خوب راتلل عادي خبره ده. که غواړې بیدار پاتې شې، نو دا لارې چارې ازمویه:
یو ګیلاس یخ اوبه وڅښه.
لږ فزیکي حرکت وکړه، لکه یو څه تګ یا نرم ورزش.
تازه هوا ته لاړ شه، که ممکنه وي.
شین چای یا قهوه وڅښه، خو ډېر نه.
سترګې د څو شیبو لپاره پټې کړه او ژور ساه واخلې.
که ممکنه وي، یو لنډ ۱۰-۱۵ دقیقې ویده شه، ځکه دا “power nap” ډېره ګټوره ده.
ته ولې ستړی احساسوې؟ خوب دې کم کړی که کار ډېر دی؟
که ته اکثره وخت په دفتر کې خوبجن احساسوې، نو کېدای شي دا نور عوامل هم رول ولري:
د خوب د کمښت نښې
که هره ورځ خوب درڅخه څاڅي، نو ممکن شپه دې ښه ارام نه وي کړی. هڅه وکړه چې ۶-۸ ساعته باکیفیته خوب وکړې.
د خوب تر مخه موبایل، کمپیوټر، یا روښانه سکرینونه لږترلږه ۳۰ دقیقې مخکې بند کړه، ځکه دا مغز ته د بیدارۍ سیګنال ورکوي.
د تغذیې اغېز
که د ورځې په اوږدو کې ډېر سګریټ، چای، یا قهوه څښې، نو دا ممکن ستا د خوب ریتم خراب کړي.
که ډېر کاربوهایډریټ (وړوکی، وریجې، خوږ شیان) وخورې، نو خوب به دې زیاتېږي. هڅه وکړه پروټین، مېوې، او مغذي خوراک ته ترجیح ورکړې.
کافي اوبه وڅښه، ځکه د بدن اوبه کمې شي، سستي او ستړیا راځي.
فزیکي فعالیت زیات کړه
که ټول وخت په یو ځای ناست یې، بدن دې د سستۍ احساس کوي. هره نیمه یا یوه ګړۍ لږ حرکت وکړه، که لږ هم وي.
که شونې وي، د ماسپښین یا د کار نه وروسته لږ ورزش وکړه، ځکه دا د ستړیا ضد تر ټولو غوره نسخه ده.
طبیعي رڼا ته ځان وړاندې کړه
که ټول وخت د دفتر د مصنوعي رڼا لاندې ناست یې، نو دا د بدن بیولوژیکي ساعت ګډوډوي.
که ممکنه وي، لږ وخت د لمر رڼا ته ولاړ شه، ځکه طبیعي رڼا د بیدارۍ احساس زیاتوي.
که خوب درڅخه څاڅي، هڅه وکړه ښه خوب، مناسب خوراک، او فزیکي فعالیت ته توجه ورکړې، او که بیا هم ستونزه وي، ممکن د بدن د انرژۍ د کمښت نښه وي، چې ښه توجه ته اړتیا لري.
