ای د اسلام د دین محترمو علمای کرامو! د خپل ځان او اسلام په هکله له خدایه ویره وکړئ.
ای علماوؤ! د چارواکو او دولتونو پر وړاندې ستاسو بې قدري له دې کبله ده چې تاسوته اسلام بې قدره دی.
ای علمای کرامو !ستاسو عزت او لوړوالی د اسلام په عظمت او عزت کې نغښتی،که تاسو عزت او قدرت غواړﺉ  نو د اسلام د عزت او قدرت هڅې وکړﺉ .
ای مسلمانو علماؤ ! مسلماني دا نده چې دالهي احکامو په بیان خوله پټه کړﺉ او یا داسلام ددښمنانو په کړنو سترګې پټې کړﺉ تر څو هغوی اسلامي قوانین او احکام له منځه ویسي .
ای علماؤ :داسلام خدمت دا نه دی چې تاسو په حکومتي مدرسو کې اسلامي علوم تدریس کړﺉ  په داسې حال کې چې چارواکي بیا دا احکام نه پلي کوي .
ای علماؤ!اسلام په دې کې نه خلاصه کیږي چې تاسو په منبر ودریږی او خلک نیکو اخلاقو او عبادت ته راوبولئ، خو د حکومت او چارواکو  له کړنو، د قانون او قضا له مسايلو، د اقتصادي او ټولنیزو چارو او دوست او دښمن سره د اړیکو په هکله خلک بې خبره پریږدﺉ.
ای علماؤ! ولې خلک نه پوهیږي؟ په داسې حال کې چې ستاسو دنده پوهول دي…
او ولې د اسلام حکم هغو چارواکو ته چې مسلمانان غیر اسلامي قوانینو ته اړ باسي نه بیانوﺉ؟

ليكنه: شهيد عبدالقادر عوده
ژباړه: محمد شفيق صادق