اسماء رضي الله عنها وايې : کله چې محمد رسول الله صلی الله عليه وسلم مکې مکرمې ته داخل شو ، او هلته په مسجد کي يې دمه وکړه نو ابوبکر الصديق رضي الله عنه خپل پلار ابو قحافه ورته راويست ، کله چې مبارک عليه السلام ور نظر شو نو ويې فرمايل : اې ابوبکره ! د اسپين ږېری به دې په کور کې پرې ښود تر څو زه ور رغلی وای ؟!

ابوبکر رضي الله عنه ورته وويل : دا مناسب ده چې دی در ته راشي ! حبيب عليه السلام مخامخ ورته کېناوه ، لاس مبارك يې د ھغه په زړه کېښود ورته يې و فرمايل : اې قحافه اسلام قبول کړه تر څو د الله جل جلاله له عذاب نه سالم پاتې شې ! نو هغه اسلام قبول کړ  او د شهادت کلمه يې وويله.

د ابو قحافه رضي الله عنه ږيره سپينه وه نبي کریم صلی الله علیه وسلم ورته وفرمایل : دا ږيره په يو شې ور رنګ کړئ خو له تورولو يې و ژغورئ!!

لیکونکی: محمد فیصل اخندذاده