![کیله د مغزي سکتو خطر کموي 1 2H 2669](https://wasiweb.com/wp-content/uploads/2018/11/2H-2669.jpg)
کیله د مغزي سکتو خطر کموي
د ایټالوي او انګلیسي متخصصانو څيړنو وښوده چې د ورځې د دریو کیلو خوړل د مغزي سکتو خطر کموي .
ډاکتران وايي د ورځې د دریو کیلو خوړل په وینه کې د پتاشیم کچه دومره کچې ته رسوي چې د مغز په وړو د وینې رګونو کې د وینې د پړن کیدو مخنیوئ وکړي
دا څيړنې د دې ښودنه کوي د مغزي سکتې د زرګونو موردونو مخنیوئ د پتاشیم د لرونکو غذايي موادو په ورځني مصرف سره کیدای شي .
په غذايي موادو کې پآلک ، شیدې ، وچه میوه ، ماهي ، او نسک د پتاشیمو ښې سر چینې ګڼل کیږي .
د دې متخصصانو څيړنو وښوده چې د ورځې د ۱۶۰۰ میلي ګرامو پتاشیمو خوړل تر ډيره د مغزي سکتې د رامنځته کیدو مخنیوئ کوي چې هره یوه کیله په متوسط ډول ۵۰۰ میلي ګرامه پتاشیم لري .
له دې سر بیره کیله د ویني د لوړ فشار مخنیوئ هم کوي .
په بدن کې د پتاشیم د کمیدو نښې د زړه غیر منظم ټکان ،حساسیت ،او اسهال دئ .
که څوک په منظم ډول ادرار ډيروونکي درمل لکه لایزیکس (forisemide)خوري باید په حتمي ډول په بدن کې د پتاشیم کچه هم پوره وساتي که نه کله کله د آني مرګ لامل هم ګرځي .