خوب او ستړیاروغتیايي لارښوونې

که ستړیا احساسوئ نو لاندې طریقې وازمويئ

انسان د زیات کار او یا هم کله نا کله له کوم لامل پرته د ستړیا احساس کوي چې د ستړیا دغه احساس مختلف روغتیايي، ذهني او ځینې نور لاملونه لري خو په دې وروستیو کې روغتیايي کارپوهانو داسې لارې پنځولی چې کولی شي د انسان ستړیا له منځه یوسي.

۱- له بورې څخه پرهیز:
که تاسې بوره زیاته استعمالوئ نو نه یوازې بوره بلکه د سپینې ډوډۍ، وریجې، چپس او ځینې نورو خوړو کې شته خوږوالی هم انساني روغتیا ته زیان رسوي. د روغتیايي کارپوهانو په وینا د ستړیا څخه ځان ژغورلو لپاره د قندي موادو په استعمال کې باید له ډیر احتیاط څخه کار واخیستل شي. د فعاله ژوند لرلو لپاره غنم او وربشې زیات استعمال کړئ.

۲- څومره خوب ته اړتیا لرو؟
خوب نه یوازې د بدن ستړیا له منځه وړي بلکه د اعصابو فعالیتونو تنظیم لپاره هم اړین ګڼل کیږي نو د همدې لپاره خاصه اندازه خوب او ورزش خپل عادت وګرځوئ. د روغتیايي کارپوهانو په وینا له ورزش کولو سره په اعصابو کې یو ډول خاص کیمیاوي مواد تولیدیږي کوم چې انسان خوشحاله ساتي. د ځینې روغتیايي کارپوهانو په وینا د خوب تر ټولو غوره اندازه د شپې لخوا ۷ ساعته دی.

۳- د سهار چای مه هیروئ:
د سهار چای د ټول ورځ سخت کارونو لپاره انرژي برابروي چې له دې پرته بدن په سمه توګه فعالیت نشي کولی او بدن د ستړیا احساس کوي نو له همدې امله د پیاوړی او فعال بدن لرلو لپاره هر سهار مناسبه خواړه وخورئ. سهار لخوا شیدې، جوس، میوه، هګۍ او ځینې نور خواړه د بدن اړتیا پوره کولی شي.

۴- وخت پیدا کولو سره ۴۰ قدمه قدم ووهئ:
د اوږدې مودې لپاره ناسته د انسان په روغتیا منفي اثر لري د مثال په ډول د یو ساعت لپاره ناسته په زړه ناوړه اثر کوي او د وینې جریان ورو کوي چې له دې سربیره په بدن کې د اکسیجن اندازه هم کمیږي نو له همدې امله له لږ ځنډ وروسته ۴۰ قدمه قدم وهل د بدن ستړیا له منځه وړي. ۴۰ قدمه قدم وهل ستړیا له منځه وړي او له دې عمل سره د وینې جریان چټک کیږي او اعصابو ته مناسبه اندازه اکسیجن رسوي.

۵- د کیفین زیات استعمال:
که تاسې کیفین زیات استعمالوئ نو دا هم د ستړیا یو لامل دی ځکه کیفین لرونکي ساړه مشروبات د لږې مودې لپاره ستاسې ستړیا لرې کوي خو د دې مشروباتو زیاته اندازه انسان غیر فعال او ستړی کوي. له غرمې وروسته د کافي زیات استعمال خوب له منځه وړي.

۶- ډیر اوبه وڅښئ:
اوبه د انساني روغتیا بنسټ دی چې له نورو بې شمیره روغتیايي ګټو سربیره انسان تازه او فعال ساتي. په بدن کې د اوبو ډیر لږ کموالی د انسان وړتیا، فعالیت او روغتیا اغیزمنوي. د روغتیايي کارپوهانو په وینا د اوبو زیات استعمال مو له ستړیا ژغوري نو له همدې امله باید هر یو ساعت وروسته یو ګیلاس اوبه وڅښل شي.

donate

خپل نظر مو دلته ولیکئ

Back to top button
error: