خواړهروغتیايي لارښوونې

ډېر یخ او ډېر ګرم خواړه مه خورئ!

ډاکټران وایي، خواړه بايد تر خوړلو مخکې د اړتیا په اندازه ګرم شي. څومره چې د تودوخې له اړخه خواړه معتدل وي، هغومره پر معدې فشار کمېږي او د درد مخنیوی کېږي.

په هر څه کې تعادل مراعاتول د انسانانو په ګټه دي، ان که د خوړو په یخوالي یا تودوالي کې هم وي. متخصصین وایي، د ډېرو یخو خوړو خوړل انسان د هاضمې د سیسټم پر ناروغيو اخته کوي. دوی وایي ډېر ځله لیدل شوي چې زیاتره کسان د ډېرو یخو اوبو او یخو نوشابو تر څښلو وروسته د خېټې له درد سره مخ کېږي.

ډېری کسان بیا د تودو خوړو په خوړلو روږدي دي، چې دا هم پر معدې د فشار او درد لامل کېږي. د دې لپاره چې په معده کې د خوړو هضم په سم ډول ترسره شي، خواړه باید نه ډېر ګرم او نه هم ډېر یخ وي.

دغه راز ډېر ګرم خواړه د مرۍ او معدې د سرطان لامل کېږي. که د یخو او ګرمو خوړو د خوړلو تر منځ واټن کم وي، غاښونو ته چې د هاضمې سېسټم اړینه برخه ده، زیان رسوي. په یوه وخت کې د ګرمو او یخو خوړو خوړل د غاښونو په مینا کې درزونه پیدا کوي چې په پایله کې د غاښونو د له منځه تلو سبب کېږي.

ژباړه: حمیدالله حمیدي

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: