بېلابېلې ناروغۍ او درملنېروژهروغتیايي لارښوونې

څنګه په روژه کې د سردردۍ مخه ونیسو؟

ترټولو لويه ستونزه چې د روژې مبارکې مياشتې په اوږدو کې د خلکو سر روغتونونو او درملتونونو ته رسوي، سردرد دی.

د دې لپاره چې وشئ کولی د دا ډول سردردونو مخنيوی مو کړی وي، چې معمولا لامل يې ولږه او تنده ده؛ بايد د خپلو خوړلو او څښلو لېست ته مو بدلون ورکړئ.

د خوړو اندازه مو کمه کړئ او د کالوري لرونکو خوراکونو په خوړلو کې احتياط وکړئ. روغتيا پوهان وايي: د چای د څښاک کچه مو راټيټه کړئ، ترڅو د وخت په تېرېدو سره د کم چای څښلو سره عادت وکړئ؛ ځکه د ډېری روژه لرونکو د سردرد لامل د چای کم څښل دي.

که د چای د څښلو اندازه مو کمه کړله او يا مو د چای غلظت راټيټ کړ، نو ډېر لږ به سردرد شئ.

ترټولو مهمه خبره دا ده چې، پېشلمی هېڅکله مه قضا کوئ.

هغوی چې وايي: مونږ د شپې ۱۱ يا ۱۲ بجې خواړه خورو، ترڅو د پېشلمي لپاره راويښ نشو؛ بايد پوه شي چې د پېشلمي څخه ډډه کول او د دغه رمضاني خوراک پرېښودل د کالريو د کمېدو او د بې ګټه کېدو لامل کېږي.

دا ډله خلک حتا د ورځې په لومړيو ساعتونو کې هم د تمرکز وړتيا او د کار يا درس لپاره فکري پام نه لري.

په همدې اساس، پېشلمي ته نه پاڅېدل؛ سم او معقول کار نه دی.

همدارنګه لارښوونه کېږي چې د روژه ماتي او د ډوډۍ خوړلو ترمنځ هم بايد حداقل دوه يا درې ساعته واټن مراعت شي، ترڅو معدې ته په يو ځل د خوراکونو د سېلاب مخنيوی شوی وي.

که يوه منظمه او سالمه خوراکي برنامه د ځان او کورنۍ لپاره برابره کړئ، نو پرته له کومې جدي جسمي او روحي ستونزې به د روژې مبارکه مياشت تېره کړئ.

 

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: