ځوانانسیرت النبي مقالې

پېغمبر (ص) د ځواني په وخت کې

خو په ځواني کې په لاره برابر ځوان د همېشه له پاره سر پورته نيولى وي او پراخه تنډه لري، د ده دعوت دښمنان په لنډه يا لېري ماضي کې د ده کار مخه نه شي نيولاى…

چې په ځواني کې د ښه سيرت خاوند وي.

الله تعالى لور ته په دعوت، د اخلاقو په اصلاح او د منکراتو په جګړه کې هغه دعوتګر بريالى کېداى شي چې په ځواني کې د ښه سيرت خاوند وي، ځکه د خلکو په منځ کې داسې څوک لاره نه شي موندلاى چې د دعوت په کار کې له پېل وړاندې په شخصي توګه بدنامي وي. موږ ډېر خلک وليدل چې د اصلاح او د اخلاقو د اصلاح کار يې کاوه خو په خپله په ناوړه اخلاقو باندې ملوث وو، له هم دې کبله خلکو مخونه ترې نه وګرځول. ناوړه ماضي د دغه دعوتګرانو په رښتينولى کې شک رامنځته کوي. او داسې تور ورباندې لګول کيږي چې د دعوت تر شا نورې خاصې غوښتنې سر ته رسوي، يا داسې تور ور باندې لګول کيږي چې دوى د خپل ژوند غوره مرحله په شهوتونو کې تېره کړې ده او اوس د عمر داسې وخت ته رسېدلي دي چې هماغه شيانو ته د استمرار ورکولو هيله نه لري چې د ناموس، مال، شهرت او منزلت له پاره به يې هڅې کولې.
خو په ځواني کې په لاره برابر ځوان د همېشه له پاره سر پورته نيولى وي او پراخه تنډه لري، د ده دعوت دښمنان په لنډه يا لېري ماضي کې د ده کار مخه نه شي نيولاى، او د ده له منحرفې ماضي څخه د ده په خلاف لاره نه شي موندلاى، څو خلک د ده د شان د سپکاوي له پاره دعوت کړي.
هو، الله تعالى په الله لور ته د رښتياني راګرځېدونکو توبه قبلوي، په اوسنيو نېکيو باندې يې پخوانۍ بدۍ ګانې له منځه وړي، خو دغه شان دعوتګر د هغه دعوتګر په شان نه دى چې د دعوت د بريالي کېدو هيله يې کيږي، مستقيم سيرت او ښه نوم ولري.

پېغمبر-صلى الله عليه وسلم د ځواني په وخت کي.

پېغمبر-صلى الله عليه وسلم د ځواني په وخت کې له خپلو ځوانو ملګرو سره په چټياتو او عبثو شيانو کې ګډون نه دى کړى، الله تعالى له چټياتو او بې ځايه کارونو څخه ژغورلى وو، د سيرت په کتابونو کې راغلي دي چې ده د ځواني په عمر کې د واده په محفل کې د مکې له يو کور څخه سندرې واورېدلې او اراده يې وکوله چې هلته حاضر شي، نو الله تعالى خوب ورباندې راوست او د لمر په وړانګو راويښ شو، له خپل قوم سره يې د بتانو په عبادت کې او د بتانو له پاره د حلالي په خوراک کې ګډون نه دى کړى، شراب يې ن دي څښلي، د قمار لوبه يې نه ده کړې، فاحشې خبرې چا نه دي ترې نه اورېدلې او خبرې يې له چا سره نه وې قطع کړې.
هغه-صلى الله عليه وسلم په خپله ځواني کې د خپل قوم په منځ کې په صادق او امين باندې شهرت درلود، د دوى په منځ کې په ښه معامله، په وعده وفا کوونکى، د مستقيم سيرت لرونکى او ښه نوم باندې شهرت درلود، چې له کبله يې خديجې-رضي الله عنها-ليوالتيا پيدا کړه چې په خپل مال باندې د تجارت هغه قافله وروسپاري چې هر کال به د بصرې ښار ته تله، او د خپل قوم د نورو کسانو دوه چنده اجره به ورکوي، چې کله مکې ته راستون شو، د هغې غلام ((ميسره)) دا د ده د امانت او اخلاص په اړوند خبره کړه، دې په دغه قافله کې ډېره ګټه تر لاسه کړه، د ټاکل شوې اجرې دوه چنده اجره يې ورسپاله، بيا د ده د امانت داري له کبله يې له ده سره دواده کولو ليوالتيا څرګنده کړه، ده د هغې غوښتنه ومنله، په نکاح يې کړه په داسې حال کې چې هغه له دې څخه پنځلس کاله کشر وو، له پيغمبرۍ وړاندې د ده د غوره اخلاقو له پاره ښه شاهدي د خديجې-رضي الله عنها-وينا ده، دغه وينا يې هغه وخت وويله چې کله د حراء په غار کې دى له وحې سره مخامخ شو او د لړزې په حالت کې راستون شو،: ((هيڅکله داسې نه ده، الله تعالى به تا هيڅکله ونه شرموي، په به خپلوي پالې، ته به له بې وسه سره مرسته کوې، د مېلمه درناوى به کوې او په پېښو کې به د حق مرسته او پلوي توب کوې)).


سرچينه:(درسونه او عبرتونه د مصطفى سباعي کتاب)

Tags

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error:
Close
Close