پر انترنت څنګه لیکنه کولای شو؟
غواړو په دې ليکنه کې تاسو ته ۲۵ داسې لارې چارې وښيو چې په عملي کولو سره يې کولی شئ د انټرنېټي نړۍ لپاره يوه غوره مقاله وليکۍ، په انترنت کې ستاسو لیکنه کېدی شي، د ډېرو زياتو خلکو د پام وړ وګرځي، او يو زيات شمېر لوستونکي پيدا کړﺉ، همدا ډول کولی شئ، په ډېر لږ مصرف سره خپلې پاڼې او يا خپلې ليکنې لپاره يوه ستره بازار موندنه وکړﺉ. ددې کار لپاره تاسو يواځې لږ وخت او لږ دقت ته اړتيا لرﺉ.
په زړه پورې موضوعاتو په اړه لیکنه ډېره اسانه ده، او يو څو معينې لارې چارې لري، ګڼ شمېر خلک د خپلو مجلو او خپرونو لپاره په انټرنېټ کې په خوږو او زړه پورې لیکنو پسې ګرځي، او په سلګونو ليکوالان په دې انتظار کې وي، چې خپلې ليکنې انټرنېټ ته ورپورته کړي.
خو که ووايو نو هره وېب پاڼه د ليکوال د پېژندګلو لپاره يو څه خامخا لري، چې ستاسو د مشهورتيا لپاره وړيا کار کوي،
له لاندې لارو چارو څخه په استفادې تاسو کولی شئ،پر انترنت یوه ښه مقاله ولیکی.
5. د خپلي ليکنې په ليکلو کې له پوره دقت څخه کار واخلئ او د یو کسبه په ډول کار وکړﺉ، د هغو موضاعاتو په اړه ولیکئ، چې پوره معلومات ترې لرﺉ، په ناڅاپي ډول او يا غير علمي ليکنو څخه په کلکه ډډه وکړﺉ.
6. د ليکنې پاراګرافونه مو بايد واړه واړه وي، ځکه غټ پاراګرافونه لوستونکی ستړی کوي.
7. مقدمه مو راټوله کړﺉ او اصلي موضوع ته زر دا خل شئ.
8. خپلو لوستونکو ته په ارزښتمنو معلوماتو ورکولو تکيه وکړﺉ.
9. په ليکنو کې له لنډونې څخه کارواخلئ، ځکه په آنلاين نړۍ کې اکثره خلک په دې حريص وي، چې زر معلومات راټول کړي.
10. د اضافي او ورته معناوو لرونکو کلمو څخه استفاده مه کوﺉ، خپله ليکنه د ۱۵۰۰ کلمو په اندازه وليکئ، د نړۍ اکثره وېب پاڼې چلوونکي، چې د لوړ کيفيت لرونکي لیکنې خپلو وېب پاڼو ته ور پورته کوي نو د کلمو شمېر يې له ۵۰۰ څخه تر ۲۰۰۰ پورې وي. د لیکنې لنډوالی د ليکنې د ارزښت نمایندګي کوي.
11. د لیکنې د متن په مختلفو ځايونو کې د لوستونکو د را جلبولو لپاره د تعجب له علامې (!) څخه استفاده وکړﺉ.
12. له ځان ښودنې څخه ډډه وکړﺉ.
13. له طنزيه کلماتو څخه استفاده وکړﺉ، ځکه خلک د معلوماتو د راټولو په وخت کې پوره جدي وي، اما زړه يې غواړي، چې لږ هم وخاندي.
14. ليکنه له زړه څخه وکړﺉ، بې تکلفه خبرې زر په مغزو کې کيني او زړه ته کوزېږي، د لیکنې جملې يوه له بلې سره مسلسله او پيوسته کړﺉ.
19. د ليکنې په پای کې د لوستونکو لپاره وړانديز په نظر کې ولرﺉ، لکه د هغوی په ځانګړو ایمیلونو ليکنې ور لېږل، چې د هغوی د ايميلونو په ليکلو سره به تاسو وکړی شئ، د خپلو لیکنو د بازار موندنې لپاره د ايميلونو يو غټ لست ترلاسه کړﺉ.
18. د ليکنې په پای کې خپل شخصي معلومات ورکړﺉ، په دې مطمئن شئ چې دا معلومات تاسو ته د رسېدو لپاره کافي دي. دا ستاسو لپاره هم يو ډول وړيا بازار موندنه ده.
20. ليکنه انټرنېټ له ورپورته کولو څخه مخکې پوره وګورﺉ او په هغې شته ټول لينکونه هم یو ځل چک کړﺉ. 21. ليکنه مو د خلکو په وړاندې ازاده پرېږدﺉ چې خلک پرې خپل نظرونه ورکړي.
بيا يې وګورﺉ، بيا يې وګورﺉ او بالاخره بيا يې وګورﺉ، چې تر څو ښه مطمئن شئ، چې د ليکنې هر څه جوړ دی.
د يوې ليکنې د ليکلو لپاره خپلې آخري استعداد څخه ګټه واخلئ او له “غوره” څخه د “تر ټولو غوره” په لټه کې شئ.
