اسلامي کیسې

مدائن خلکو ته د خالد بن ولید (رض) ليک!

امام شعبي (رح) وايي: بنو بقیله راته هغه لیک ولوست چې د هجرت په دوولسم کال خالد بن ولید (رض) د مدائن خلکو ته ور لیږلی و، په لیک کې دا و:

د خالد بن ولید له خوا د فارس مشرانو ته !

د نیکې لارې لارویانو ته دې سلام وي

او بیا: زه د هغه رب ستاینه کوم   چا چې ستاسو یو والی له منځه یو وړ، ستاسو دسیسې یې شنډې کړې  او د فارس واګئ یې له تاسو واخیستې.

خبره داده چې زموږ غوندې لمونځ کوي، زمونږ قبلې ته مخ کوي او زمونږ حلال خوري هغه مسلمان دی او کوم حقوق چې زمونږ دي د هغه به هم هماغه حقوق وي او څه چې پرموږ لازم دي پر هغوی هم لازم دي، بله دا چې کله زما لیک تر لاسه کړئ نو کاڼي راولیږئ او دا ومنئ چې ستاسو ټول واک به له مونږ سره وي که نه نو په لا شریک رب مې دې قسم وي !

چي داسې لښکر به در ولیږم چې له مرګ سره یې دومره مینه ده لکه ستاسو چې له ژوند سره ده.

دغه وخت د فارس  ډیر مشران په مدائڼ کې سره راټول شوي و او د خالد (رض) لیک یې چې ولوست ډیر حیران شول.([1])

———

([1] ): اخرجه ابن جریر۲/۵۵۳ عن مجالد.

——–

مأخذ: د ایماني ژوند ځلانده بېلګې

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: