شعر

شهوت مې پکار نه دی/ غزل – شعر

هوس نه لرم شهوت مې پکار نه دی

ندی داسې محبت مې پکار نه دی

ستا د مړو سترګو کاږه کاته مې خوښ دي

ستا د سرو شونډو شربت مې پکار ندی

تش د مينې نوم د ژبې په سر نه وړم

تش د تورو تلاوت مې پکار ندی

دا ياران زما په څه باندې ياران دي؟

د بوتانو عبادت مې پکار ندی

زه مې خپل دښمن په مينه ماتومه

که ضرور هم وي نفرت مې پکار ندی

شاعري مي د دې خپل زړه مجبوري ده

شهرت نه غواړم شهرت مې پکار ندی

د دې خپل تندي په ليک زاړم الهامه !

د دې خپل زړګي قيمت مې پکار ندی

donate

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: