سګریت څکول جنسي ځواک کمزوری کوي
څیړنې ښيي، چې سګریت څکول د ګڼو نورو روغتیايي ستونزو تر څنګ د نارینه جنسي قوت کمزوری کوي.
د امریکا د نارینه و د ناروغیو د تشخیص د ادارې یو پروفیسور زیوست وايي: ((سګریت څکول په متسقیمه توګه د نارینه جنسي قوت له ګواښ سره مخ کوي.))
ډاکتران دلیل راوړي، چې سګریت څکول په بدن کې د وینې جریان ضعیفوي او نه پریږدي، چې وینه په وخت او منظم ډول د بدن ټولو برخو ته ورسیږي. د همدې له امله د نارینه تناسلي اله په پوره توګه وینه نشي اخیستي او نارینه نه شي کولای، چې خپل مخاطب خوشاله کړي.
دوی وايې، چې سګریت څکول د نارینه تناسلي الې ته ۲۵ سلنه د وینې پمپ کول کموي. ۵۰ سلنه احتمال دی چې انسان د زړه په ناروغیو اخته کړي او ۴۰ سلنه امکان لري، چې د انسان ټول د ویني او رګونو سیستم ګډوډ کړي.
د ارواپوهنې له نظره سګریت څکول د میرمن او خاوند اړیکې هم خرابوي.
