سرسايه په كومو كسانو واجب ده؟
سرسايه پر هر هغه چا باندې واجب ده چې دځان او دخپلې كورنۍ ديوې شپې او ورځې له خوړو نه زيات څه ولري، پر نوموړي شخص واجب ده چې دخپل ځان او ټولو هغو كسانو چې نفقه يې دده پر غاړه ده ، لكه مېرمن ، زامن او خدمت ګار ،سرسايه ادا كړي، په دې شرط چې دغه كسان مسلمان وي.
له ابن عمر ( رضي الله عنه ) څخه روايت دى:
رسول الله ( صلي الله عليه وسلم) تاسې له خپل لوى، كوچني، ازاد او مريي او ټولو هغو كسانونه چې دهغوى نفقه ستاسې پر غاړه ده، دفطر زكات( سرسايې) په وركړه باندې امر كوي.
صحيح البخاري ( الاروا ۸۳۵ مخ ) قطر .
