سرطانناروغۍ او درملنه

د پولیو له ویروس سره د سرطان درملنه ممکنه ده

د پولیو ویروس د خپل زیانونو له امله ټوله نړۍ کې مشهوره ده او د انسانانو لپاره عذاب ګڼل کیږي خو اوس روغتیايي کارپوهانو له دې ویروس سره د دماغي رسولي (ګلایوبلاسټوما) د مهلکې ناروغۍ درملنه ممکنه کړه.

امریکايي رسنیو په وینا د دماغۍ رسولۍ په ناروغۍ اخته دوه کسانو درملنه د پولیو ویروس په مرسته وشوه چې له هغې وروسته ډاکټرانو دغه دوه ناروغان له سرطان څخه پاک اعلان کړل.

د روغتیايي کارپوهانو په وینا د پولیو ویروس په سرطاني حجراتو کې شته مالیکولونو سره یو ځای کیږي کوم کې چې ګلایوبلاسټوما هم شامل وي.

روغتیايي کارپوهانو له خاصې عمليي وروسته دغه ویروس بدن ته داخل کړ. دغه ویروس سرطاني رسولي ته تر رسیدو وروسته د بدن روغ حجراتو ته له زیان رسولو پرته د سرطاني حجراتو په له منځه وړلو پیل وکړ چې له دې سره د ناروغ د بدن دفاعي نظام په فعالیت پیل وکړ او سرطاني رسولي په له منځه وړلو باندې بوخت شو.

د ډیوک پوهنتون د مالیکول جنیټکس برخې پروفیسر او سرجن ډاکټر میتاس ګرویمر ۱۵ کاله وړاندې د پولیو ویروس سره د سرطاني رسولي له منځه وړلو نظریه وړاندې کړی و چې دغه نظریه د نورو روغتیايي کارپوهانو له مخالفت سره مخ شوی و.

Tags

خپل نظر مو دلته ولیکئ

Back to top button
error:
Close
Close