د لقمان حکیم رحمه الله نصحیت خپل زوی ته

د بیهقي په شعب الایمان کې د حضرت حسن رحمه الله څخه نقل شوي دي چې حضرت لقمان رحمه الله خپل زوی ته وفرمایل: ای خوږه زویه! ما کاڼی، اوسپنه او هر یو دروند شی اوچت کړ، خو ما د ګاونډي څخه زیات ثقیل او دروند څه شی پیدا نه کړ او ما د ټولو ترخو او تُرشو(تروُو) شیانو ذایقه وڅکله، خو د غریبۍ او تنګسې نه مې بل یو تریخ شی و نه موند.
ای زویه! جاهل سړی کله هم خپل قاصد او استازی مه جوړوه او که د استازولۍ لپاره درته قابل اعتماد او هوښیار څوک پیدا نه شو، بیا په خپله د خپل ځان استازی جوړ شه.
زویه! له درواغو څخه ځان وساته ځکه چې دا د مرغۍ د غوښې په شان ډېر مرغوب وي؛ لږه اندازه درواغ هم انسان سوځوي.
ای زویه! په جنازو کې برخه اخله او د ودونو یا ښادیو په مجالسو کې برخې اخیستلو ته زړه مه ښه کوه، ځکه چې په جنازو کې برخه اخیستنه به اخرت در په یاد کړي او د ښادیو مجالس خواهشات پیداکوي.
په مَړه خیټه ډوډۍ مه خوره ځکه چې په داسې حالت کې خو یې سپي ته اچول غوره دي له دې څخه چې په خپله یې وخورې.
زویه! دومره مه خوږیږه چې څوک دې وخوري او دومره مه تریخیږه چې خلک دې وغورزوي(کرکه درنه وکړي).
زویه! د خپلو خپلوانو سره صله رحمي کوه چې هغوی ستا ورونه جوړ شي او کله چې ته له هغوی څخه جدا شې(ترې لرې یا بیل شې) نو مه یې ته عیبونه ښکاره کوه او نه به هغوی ستا عیبونه ښکاره کوي.

ابو یاسر افغان

your ads

Advertisement | Why Ads? | Advertise here

پوهنتون چینل

پوهنتون چینل درسره سبسکرایب او شریک کړئ

سبسکرایب Subscribe


Editorial Team

د واسع ویب د لیکوالۍ او خپرونکي ټیم لخوا. که مطالب مو خوښ شوي وي، له نورو سره یې هم شریکه کړئ. تاسو هم کولی شئ خپلې لیکنې د خپرولو لپاره موږ ته راولېږئ. #مننه_چې_یاستئ

خپل نظر مو دلته ولیکئ

wasiclinic.com
Back to top button
واسع ویب