روژه

د روژې ډولونه کوم دي؟

د روژې اته ډولونه دي:

۱- معين فرض.
۲- غير معين فرض.
۳- معين واجب.
۴- غير معين واجب.
۵- سنت.
۶- نفل او مستحب.
۷- مکروه تحريمي.
۸- مکروه تنزيهي.

معين فرض روژه: معين يا ټاکلي فرض د رمضان روژې دي چې په خپل ټاکل شوي وخت کې يې ادا کول فرض دي.

غير معين فرض روژه: غير معين فرض د رمضان قضايي او د کفارو روژې دي، دا روژې فرض دي خو ټاکلی وخت نه لري، او دا فرض عملا فرض خو اعتقادا فرض نه دی؛ ځکه يې منکر کافر نه بلل کيږي.

معين واجب روژه: د معين نذر روژې په خپل ټاکلي وخت کې نيول واجب دي.

غيرمعين واجب روژه: د مطلق نذر روژې واجب دي؛ خو ټاکلی وخت نه لري.

سنت روژه: لکه د محرم نهمې او لسمې ورځې روژې.

نفل او مستحب روژه: لکه د هرې مياشتې ديارلسمه، څوارلسمه او پنځلسمې ورځې روژې نيول مستحب دي.

مکروه تحريمي روژه: د اختر په ورځ روژه نيول مکروه تحريمي ده.

مکروه تنزيهي روژه: لکه د محرم يوازې لسمه ورځ روژه نيول مکروه تنزيهي دي، او يوازې د شنبې ورځې روژه نيول هم مکروه ده، دغه راز د نوروز او مهرجان په ورځ هم روژه نيول مکروه دي، مګر که د عادت له ورځو سره يې برابره شي، بيا پروا نه کوي. ([1])


[1] : الفقه الاسلامي و ادلته ۲/۵۱۰-۵۲۱.

[irp][irp][irp]
صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: