روژه

د روژې احکام او مسایل | پيل په ت، ټ، ج توري

پيل په ت توري:

تپ:

که په روژه کې يو څوک د ډېرې ګرمۍ او تپ له امله دومره تکليف شي چې روژه نيول يې له وسه بهر شي او روژه ماته کړي، کفاره پرې نشته، يوازې قضا به يې راوړي.([1])

د تخرګ وېښتان اخيستل:

د روژې په حالت کې د تخرګ وېښتان اخېستل جائز دي، پر روژې هيڅ اغېز نه کوي . ([2])

تناسلي آله:

که نر په روژه کې خپلې تناسلي آلې سوري کې درمل، تېل، اوبه يا بل شی وڅڅوي، يا يې د پيچکاري له لارې ور ننباسي، روژه يې نه فاسديږي. ([3])

که په روژه کې سړي او مېرمنې يو له بل سره شرمځايونه ولګول او دخول يې ونه کړ، بېرته سره لرې شول او انزال يې هم ونه شو، روژه يې نه فاسديږي، البته په روژه کې داسې کول مکروه دي .([4])

[irp][irp][irp]

تنده:

د خوړو پخولو يا بل کوم اړين کار کولو له امله څوک دومره تږی شو چې مرګ ته نږدې شو، هغه دې د ځان ژغورلو له امله روژه ماته کړي او بيا دې قضا را وګرځوي. ([5])

که د معمولي تندې له امله څوک اوبه وڅښي، هم به قضا راوړي او هم به کفاره ورکوي . ([6])

په روژه کې بايد دومره ډېر کار ونشي چې انسان له سختې تندې يا لوږې سره مخ شي، که څوک داسې وکړي پر ځان د ظلم له امله ګناهګار دی . ([7])

توپ وېشتل:

په روژه ماتي کې توپ وېشتل يا دې ته ورته بل داسې څه کول چې خلکو ته د روژه ماتي د وخت درک وشي، جائز دی، البته دا شيان په مسجد کې نه ښايي بلکې له مسجده بهر دې تر سره شي څو د مسجد بې احترامي ونشي. ([8])


پيل په ټ توري :

ټپ

که د چا په سر يا نس کې ژور ټپ  و؛ نو په لندو درملو کارولو سره يې روژه ماتېږي، او که درمل وچ  وو؛ نو په دې کې تفصيل دی : که دغه درمل په يقين سره ټپ ته دننه ورسېږي روژه فاسدوي او کنه، نه يې فاسدوي . ([9])

ټول کال روژې:

که يو څوک د ټول کال روژو نذر ونيسي، پرې لازم ده چې ټول کال يې ونيسي، البته د ۱۰-۱۱-۱۲-۱۳ مې ذو الحجې او کمکي اختر په ورځ دې نه نيسي، ددې ورځو دې بل وخت قضا راوړي . ([10])

ټي بي ناروغ:

که د ټي بي ناروغ ته روژې نيول زيان رسوي او ماهر ډاکتر يا حکيم يې منع کړي، کولای شي روژې وخوري او له رغېدو وروسته دې قضا را وګرځوي، او که تر مرګه يې د ناروغۍ د رغېدو هيله نه وي، بيا دې د هرې روژې په بدل کې د يوې سرسايې هومره فديه ورکړي؛ خو که له فديې وروسته بېرته روغ شو، بيا پرې واجب ده چې قضا را وګرځوي.([11])

[irp][irp][irp]

ټېغونه اېستل (ارږل):

له سپېدو وروسته که چاته ټېغونه ورشي، روژه يې نه فاسديږي اګر که ستوني ته يې اوبه هم راشي.([12])


پيل په ج توري:

جمعه وروسته کول:

د روژه ماتي له امله د ماښام لمونځ پنځه-شپږ دقيقې وروسته کول پروا نه کوي؛ خو له دې زيات يې مه وروسته کوئ . ([13])

جنتري کارول:

روژه ماتی د لمر لوېدلو پر بنسټ کېږي، نه د جنتري پر بنسټ، جنتري کله ناسمه هم کېدلای شي.

خو که کومه جنتري د لمر ختو او لوېدو په ښودلو کې سمه ثابته شوه؛ نو له سهي ګړۍ سره سم يې په مهالوېش روژه ماتی کول جائز دي.([14])

جهاد:

که مجاهدين په سنګر کې وي او د روژې له امله يې د مبارزې په ميدان کې بدن کمزوری کيږي، روژه دې نه نيسي او بيا دې قضا راوړي.([15])


([1]) قوله ( فإن أجهد الحر الخ ) قال في الوهبانية فإن أجهد الإنسان بالشغل نفسه فأفطر في التكفير قولين سطروا قال الشرنبلالي صورته صائم أتعب نفسه في عمل حتى أجهده العطش فأفطر لزمته الكفارة وقيل لا وبه أفتى البقالي.(شامي: 2/420).

ايضا: ومنها العطش والجوع كذلك اذا خيف منها الهلاك او نقصان العقل.(عالمكيري:1/207).

([2] ) الصوم في الشرع الامساك عن المفطرات الثلاث حقيقة او حكما في وقت مخصوص من شخص مخصوص مع النية (البحرالرائق 2/259).

([3]) اذا اقطر في احليله لايفسد صومه عند أبي حنيفة ومحمد رحمهماالله كذافي محيط السرخسي سواء أقطر فيه الماء او الدهن.(عالمكيري: 1/204)

([4]) ولابأس بالقبلة اذا امن على نفسه….والمباشرة الفاحشة مثل التقبيل(هداية:1/199)

ايضا: والمباشرة الفاحشة ان يتعانقان وهما مجردان ويمس فرجه فرجها وهو مكروه بلاخلاف هكذا في المحيط.(عالمكيري: 1/200).

[5] : الباب الخامس في الاعذار التي تبيح الافطار: ومنها العطش والجوع كذلك اذا خيف منها الهلاك او نقصان العقل…. وخشيت الهلاك بالصوم. (عالمكيرية 1/207).

([6] ) اكل او شرب عمدا غذاء او دواء قضى وكفر. (البحرالرائق 2/276).

([7] ) قوله فان اجهد الحر الخ.. قال في الوهبانية: فان اجهدالانسان بالشغل نفسه فافطر, في التكفير قولين سطروا. قال الشرنبلالي: صورته صائم اتعب نفسه في عمل حتى اجهده العطش فافطر لزمته الكفارة وقيل لا وبه افتى. (شامي: 2/420).

([8] ) وعن الحسن لا بأس بالدف في العرس ليشتهر  وفي السراجية هذا إذا لم يكن له جلاجل ولم يضرب على هيئة التطرب اه. أقول: وينبغي أن يكون طبل المسحر في رمضان لإيقاظ النائمين للسحور كبوق الحمام. تأمل. (حاشية ابن عابدين: 5/307).

([9] ) أو داوى جائفة أو آمة ) فوصل الدواء حقيقة إلى جوفه ودماغه قوله ( فوصل الدواء حقيقة ) أشار إلى أن ما وقع في ظاهر الرواية من تقييد الإفساد بالدواء الرطب مبني على العادة من أنه يصل وإلا فالمعتبر حقيقة الوصول حتى لو علم وصول اليابس أفسد أو عدم وصول الطري لم يفسد وإنما الخلاف إذا لم يعلم يقينا فأفسد بالطري حكما بالوصول نظرا إلى العادة ونفياه كذا أفاده في الفتح. (شامي: 2/402)

([10] ) وَلَوْ قال لِلَّهِ عَلَيَّ صَوْمُ هذه السَّنَةِ أَفْطَرَ يوم الْفِطْرِ وَيَوْمَ النَّحْرِ وَأَيَّامَ التَّشْرِيقِ وَقَضَاهَا (الفتاوى العالمكيرية:1/201)

([11] ) المريض اذا خاف على نفسه التلف…. يفطر بالإجماع و إن خاف زيادة العلة و امتداده فكذلك عندنا وعليه القضاء اذا افطر…. ثم معرفة ذلك باجتهاد المريض…اوباخبار طبيب مسلم غير ظاهرالفسق. (عالمكيرية: 1/207). ولو قدر على الصيام بعد فدى بطل حكم الفداء الذي فداه حتى يجب عليه الصوم (عالمكيرية: 1/207).

([12] ) فتاوى رشيدية كامل ص: ۳۷۱.

([13] ) و يستحب تعجيل الإفطار قبل طلوع النجم… ويعجل الإفطار ولا يصلي المغرب قبل الإفطار لانه سنة. (فتاوى جامع الفوائد ص: 76, فتاوى رحيمية 6/244).

([14] ) فتاوى دارالعوم ديوبند مدلل ومكمل: 6/308.

([15] ) الغازي اذا علم أنه يقاتل العدو في رمضان وهو يخاف الضعف فله أن يفطر. (هندية: 1/208).

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: