اسلام اړوند پوښتنېښځه او اسلام

د الهي حکمت بيان، په دې هکله چې د ښځو له جملې څخه ولې څوک پېغمبر نه دي ټاکل شوي؟

زموږ يوې هېوادوالې خور داسې پوښتنه کړې ده :

یوه پوښتنه مې درلوده يو چا له ما څخه پوښتنه وکړله چې ښځه ولې نده پېغمبره شوې، مهرباني وکړئ عقلي او نقلي ځواب راته را واستوئ؟

الحمد لله والصلاة والسلاو على رسول الله، أما بعد،،
مسلمان بايد په دې کې شک ونكړي چې هر كار چې الله تعالی فيصله کړی وي په هغه کې حکمتونه پټ دي او د هغه تعالى له نومونو او صفاتو څخه ” الحكيم” او” الحكمة ” دي ..او د حکمت له فيصلو څخه يې دا هم ده چې پیغمبران يې د نارينه و له جملې څخه ګرځولي دي او فرمايلي يې دي چې : ” وَمَا أَرْسَلْنَا قَبْلَكَ إِلاَّ رِجَالاً نُّوحِي إِلَيْهِم ” (النحل: 43)
او موږ نه دي لېږلي پېغمبران او رسولان مخکې له تانه مګر سړي چې وحي مو ورته کړي ده..
د دې حكمتونو له جملې څخه ځينې يې دادي :

1- د پېغمبرۍ د رسالت غوښتنه دا ده چې بلنه خلکو ته علني او ښکاره اعلان کړي، خلکو سره مخامخ خبرې وشي، پر ځمکه ګرځېدل او حرکت ولري، ددې رسالت د حقانيت دلائل ورته وړاندې شي او د اړتيا پر وخت د هغوئ سره مقابله وکړي او حتی د جګړی ډګر ته هم داخل شي چې دا ټول کارونه يوازې سړي کولای شي په حوصله مندۍ سره ترسره کړي او ښځې چې عاطفي دي او کم صبر لري، جسمي طبيعت او عقلي قوت يې کېدای شي چې ددې سختيو زغم ونه لري.

2- نبوت او رسالت د مشكلاتو او قضاوت ته د رسيده ګۍ مسئوليت لري چې بايد خپلو اتباعو ته امر او نهي وکړي، او که ښځه ټاکل شوې وای دا دنده يې په آسانۍ سرته نشوه رسولای.

3- په دې کې شک نشته چې د لويو کارونو، درنو او سختو دندو په ښه توګه سرته رسولو لپاره سړي زيات صبر او تحمل لري اومسئوليت منونکي دي چې الله تعالی فرمايلي دي : ” الرِّجَالُ قَوَّامُونَ عَلَى النِّسَاءِ ” سړي پر ښځو قيوميت لري.

4- ښځې چې د ولادت او حمل دندې لري هم دردونه زغمي، د حيض او نفاس په ورځو کې يې هم جسمي حالت تغير کوي چې نشي کولای له دې دردونو او مسئولیتونو سره د رسالت دنده هم مخکې يوسي.
لنډه دا چې مېرمنې په اسماني ادیانو په ځانګړي ډول د اسلام په مبين دين کې خپل ځای لري مګر د الله تعالی حکمتونو د هغوئ نفسي او جسمي حالت په نظر کې نيولی، هغوئ يې د درناوي وړ ګرځولي او هغه دندې يې ورته نه دي سپارلي چې وړلای يې نشي.

فضل الله ممتاز

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: