لمونځ‌

دلمانځه فرائض،واجب ،سنت ،مکروه اوماتونکي

دلمانځه فرائض : په لمانځه کی فرائض ۱۴ دی اته دلمانځه نه بهردی چی شرطونه ورته وایی اوشپږ په لمانځه کی دننه دی چی رکنونه بلل کیږی

د لمانځه شرطونه :

(۱)اودس کول یاتیمم وهل (دعذرپه وخت)
(۲)دجامی پاکوالی
(۳)دلمانځه دځای پاکوالی
(۴)دبدن پاکوالی
(۵)دعورة پټول دسړی عورت دنامه نه لاندی ترزنګنوپوری اوښځه ټول عورت دی مګرمخ ،لاسونه ترمړوندونواوپښی تر ګیټوپوری عورت ندی
(۶)قبلی ته مخ اړول
(۷)نیت کول
(۸) وختونه پیژندل

د لمانځه ( رکنونه ) :

(۱)تکبیرافتتاح
(۲)قیام (ولاړه )
(۳)قرآت
(۴)رکوع
(۵)سجده
(۶)آخره قعده وروستۍ ناسته
یادونه : که دپورته څخه یوهم پاتی شی لمونځ نه صحیح کیږی

دلمانځ واجبات : د لمانځه ټول واجب ٧ اووه دي :

(۱) دالحمدلله لوستل
(۲)لومړۍ قعده
(۳)په وروستۍ قعده کی تشهدلوستل
(۴)امام لپاره په جهری لمانځه کی په جهر لوستل
(۵)دخفیه (په پټه )لوستلوپه ځای کی په پټه لوستل
(۶)وتروکی دعاءقنوت لوستل
(۷)درکنونوبرابرول
که دپورته څخه کوم شی په سهوه پاتی شی سجده سهوه لازمیږی

دلمانځه سنت : د لمانځه سنت ١٤ څوارلس دی

(۱)دتکبیرتحریمی سره لاسونه دغوږنوپوری اچتول
(۲)نامه لاندی ښی لاس په چپ لاس ایښودل
(۳)سبحان ویل
(۴)اعوذ بالله ویل
(۵)بسم الله ویل
(۶)آمین ویل
(۷)سمع الله لمن حمده ویل
(۸)ربنا لک الحمد ویل
(۹)درکوع تسبیحات
(۱۰)دسجدی تسبیحات ویل
(۱۱)اوله قعده کی تشهد ویل
(۱۲)اخرورکعتونوکی الحمد لله ویل
(۱۳)دتکبیرافتتاح نه غیرنورتکبیرونه ویل
(۱۴)سلام ګرځول

دلمانځه مکروهات : په لسوشیانو لمونځ مکروه کیږی

(۱)بې عذره پلتۍ وهل
(۲)په لاس دآیتونو شمیرل
(۳)څنګلی خورول په سجده کی
(۴)په سترګو ښی اوچپ طرفته کتل
(۵)بی عذره سترګی پټول
(۶)دسجد ی ځای نه ګیټۍ لری کول په هغه صورت کی چی تکلیف نه جوړوی
(۷)ستومانی ویستل
(۸)خوله وازی کول
(۹)په جامه لوبی کول
(۱۰)دصف نه روسته یوازی ودریدل

دلمانځه ماتونکی : دلمانځه ماتونکی ۱۴دي

(۱)بی عذره غاړه تازه کول
(۲)پرنجی کونکی ( تريچونکي ) ته یرحمک الله ویل
(۳)دخپل امام نه غیربل چاته فتح ورکول
(۴)لااله الاالله ویل که مقصدیی چاته جواب ورکول وی
(۵)عورت لوڅیدل (۶)دمصیبت دوجی جړاکول
(۷)دسلا م جواب په ژبه یاپه لاس ورکول
(۸)دفوتی لماځه یادیدل
(۹)ډیر عمل کول په لاس وی که په بل څه
(۱۰)قصداً خبری کول
(۱۱)خوراک یاڅښاک
(۱۲)اه او اوه ویل
(۱۳)خندل
(۱۴)بی هوشی  .

مولوی منصور

  د ناروغ لمونځ‌ احکام
  د اذان تاريخ
  په روژه ماتي كي تعجيل[تلواره ] سنت ده

Tags

wasiweb Team

لیکوونکي : د وسیع ویب لیکوالي ټیم

خپل نظر مو دلته ولیکئ

Back to top button
error:
Close
Close