شعر

دغزې درد -شعر

دفلسطين د مظلوم اوښکې وچول په کار دي
اسرايلي وحشت ته مخکې درېدل په کار دي

دا دومره لويه اسلامي نړۍ او ګونګه چوپتيا
لږ خپل ضمير او خپل وجدان نه شرمېدل په کار دي

که مو کفار په ډلو وژني او ويشل مو غواړي
نو مونږ ته ولې بيا غافل ويده کېدل په کار دي

هغه چې غواړي مسلمان کړي تريو حده محدود
هغوی اول اول دستي له منځه وړل په کار دي

غزې!!! دستا درد مې احساس کړلو راورسېده
ستا په دفاع کې يقينآ قربانيدل په کار دي

خو مونږ ته خپل وطن کې هم يهودو غم جوړ کړی
هلته هغوی او دلته دوی سم زغلول په کار دي

اوښکې مې ستا په معصومانو باندې وڅڅېدې
اقصی!! ستا خواوې له يهودو پاکول په کار دي

مشفقه نه راځي پروا نه د تورو نه ټاپو
د مسلمان په درد ضرور زړه دردول په کار دي

مشفق حريتمل
۲۰۱۴/۷/۱

Tags

wasiweb Team

لیکوونکي : د وسیع ویب لیکوالي ټیم

خپل نظر مو دلته ولیکئ

Back to top button
error:
Close
Close