پوست او ښکلا

دسترګو د شاوخوا پوست توروالی؛ سبب او درملنه

د سترګو پر شاوخوا د رنګ و تاریکي یا هم و نصواري کړۍ ته وایی چی د ښکلا د ستونزو سبب کیږي، او ډیری ښځي د هغه څه ځوریږي، ددې ناورغۍ پیښي یې په نارینو کي هم وجود لري.

ولي د سترګو پر شاوخوا توروالی منځ ته راځي؟

د سترګو د شاوخوا توروالی د اجفانو (پشتان) د پوستکي د ساحې د رګونو دټینګوالي له امله منځ ته راځي چي د پوستکي تر ټولو نازکه برخه ده، چي 0.5 ملی متره (د پوستکي د نورو برخو په پرتله چي په منځني ډول ۲ملی متره) پنډوالی لري، د ویني رګونه کولای سي په اسانۍ سره په دغه ناحیه کي رنګه تغیرات راولي یا هم Pigmentary Demarcation lines پراخه کړي چي په عادي حالت کي دغه لیکي د اجفانو ( پشتان) پر څنګ شتون لري منځ ته راسي.

د سترګو د شاوخوا توروالی سببونه:

. دا ناروغي په یو شمیر کسانو کي په ارثی یا کورني ډول منځ ته راځي.
• وروسته د ضربې څه یا د یو شي ټکر د سترګي پر شاوخوا .
• د ځینو دواو استعمال لکه Minocycline او Chloroquine.
• د کیمیاوي موادو سره اړیکه لکه د نقرې مرکبات او داسي نور…
• د همهغه ناحیې د پوستکي د التهابي ناروغیو څه وروسته لکه اتوپیک درماتیت او د سترګي پر شاوخوا حساسیتونه.
• د شدیدو ناروغیو څه وروسته لکه هیپاتیت ملاریا، محرقه او داسی نور.
• د ینې ناروغي او د سترګي د شاوخوا د عضلاتو شدیده او اوږدمهاله ستومانتیا د ډیري مطالعې ، تلویزیون، کمپیوټراو داسی نورو شیانو ته د کتلو پرمهال.
• دوامداره کم خوابي او نارامه خواب.
• د بدن عمومي کمزوري
• سینوزیت
• رواني تنشنونه او اضطراب.
• دوامداره او شدیده سردردي.

څنګه کولای سو د سترګو د شاوخوا د توروالي مخنیوی او درملنه وکړو؟

• د هغه فکتورنو څه مخنیوی چي د ناروغۍ د ډیریدوسبب کیږي.
• پوره خوب کول ( په ۲۴ ساعتونو کي لږ ترلږه ۷ تر ۸ ساعتو پوري )
• د لمر و وړانګو ته د مخامخ کیدو پر مهال د لمر ضد عینکي په سترګو کول.
• که مو پوستکی وچ وي د نرم کونکو کریمونو څه ګټه اخستل.
• و غذا ته مو متوجه و اوسی او د بیلابیلو غذاو څه چي د بدن ټولي اړتیاوي مو پوره کړي ګټه واخلی.
• په یخچال کي د یخ سویو پټاټو او بادرنګو استعمال، د پوستکي پر همهغه ساحه باندي چي د رګونو د تقبض یا تنګيدو او د سترګي د شاوخوا د عضلو سستي له منځه وړي او کیدای سي د لنډ وخت لپاره د سترګي د شاوخوا توروالی کم کړي.
• هغه دوا چي د پوستکي د متخصص لخوا تاسي ته ښودل سوېده، د لارښووني سره سم او په منظمه توګه استعمال کړی.

ډاکتر عبدالولي اعتماد

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: