تفریحي معلوماتروغتیايي ګټې

داسې کڅوړې چې د خوراکي توکو عمر زیاتوي

د ترکیې سابانجي پوهنتون څیړونکو داسې کڅوړې جوړې کړي چې د خوراکي توکو عمر زیاتوي او له ورستیدلو یې ژغوري.

څیړونکو خپل دغه نوي کار واشنګټن کې “د امریکا ملي کیمیایي ټولنې” په ملي غونډه کې رامخې ته کړ.

سابانجي پوهنتون کې د نانو ټکنالوژۍ کارونې او څیړنې مرکز څیړونکې خیریة اونال د هغه څیړنیزه ډلې مشري کوله چې د TÜBİTAK ARDEB 1003  په نوم څیړنه یې ترسره کوله.

طریقه

دا کڅوړې غوښو کې د شته میکروبونو د نمو د مخنیوي، او د سبزیجاتو او میوو د له حده زیاتو پخیدلو مخنیوي له لارې د غذایي توکو عمر زیاتوي.

خیریة اونال وایي” د نویو کڅوړو په مټ، کولی شو د غذایي امنیت چارې لا ښې کړو او د خوسا کیدونکي خوراک له کبله پیښیدونکي اقتصادي زیانونه کم کړو”، خیریة زیاتوي چې د مناسب نرخ له کبله دا کڅوړې زیاتره خوراکي توکو لپاره کاریدلی شي.

د پوهنتون لخوا په نویو کڅوړو د آزموینو لړ کې ولیدل شول چې د څو ورځو تیریدلو سره سره لا هم پکې ساتل شويو خوراکونو خپل پوخوالی همغسې ساتلی دی، مثلا له شپږ ورځې تیریدلو وروسته ولیدل شول چې پکې ساتل شوې کیلې د نورو هغه کیلو په پرتله چې عادي کڅوړو کې ساتل شوې وې ډیرې تازه او رنګونه یې ډیر روښانه ول، همداراز، پکې ساتل شویو چرګ غوښو کې هم میکروبونه له هغو غوښو بیخي کم شوي وه چې په عادي ګول ساتل شوې وې.

اونال وایي په رنګارنګ خوراکي توکو دا کڅوړې څیړل کیږي ترڅو وکتل شي چې منفي اغیز خو به نه پیښوي، لدې ازموینو بریالی وتلو وروسته به بازار ته وړاندې شي.

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: