پښتو ګرامر

خج څه شی دی؟ خج یا اکڅنټ څه ته وايي؟ Accent

خج څه ته وايي؟ Accent

ګړه یا وییکه چي له خولې نه راوزي د ستوني څخه پایل کوي تالو ته، بیا ژبه، غاښو ته او بیا شونډانو ته راځي. هر یو توری د «الپ وبې» په خوله کې ځان له ځانګړی ځای لري او په ځانګړي ژغ له خولې څخه راوزي. پر دغو ګړو چي له خولې څخه راوزي پر تورو باندي ئې ډول ډول فشار راځي. چي دغه فشار ته په پښتو خج یا فشار پر تورو په انګلیسي کې ورته ( accent) وایي. اکڅنت یوه اصطلاح ده،چي ډېري ماناوي لري. دلته ئې هغه څوماناوي ګورو، چې په خبروکي په کارځي.
لکه: اکڅنت(accent)یا خج یا فشارپرتورو،دږغ ډول (کښته،لوړ،نرم یاکلک). د خبرو ډول دساري په توګه: که یو پښتون انګلیسي خبري کوي د ده په خبروکي ئې دپښتو لهجه اورېدل کیږي یاني د ده اکڅنت یالهجه په انګلیسي کي ښکاري. او دغسي هم که یو انګلیسی پښتو وایي انګلیسي لهجه یا اکڅنت ئې په پښتو خبروکي ښکاري. دا وه د اکڅنت اصطلاح وضاحت،چي اضافه دلته تشرېح سو.
خج یا(accent) هغه زوریا فشار ته وایي،چي دګړي یاوییکي دویولو پرمهال دګړي پرتوري باندي راسي.

خج یا «زُور» پر تورو:

پر دوه ډوله دی:
لومړی: نرم یا خفیف خج: چي دلته زور پرتوري باندي لږوي. لکه: «بڼه» ښځینه نوم دی یاني د مارغه بڼکه. دلته یوڅه فشار دپای پرتوري باندي دئ. ګړه نرمه اودرنه له خولې راوزي. خوشال باباوایي:(که هرڅود وخته بازکا بڼه تویه*اخیسته ئې دمیزان په آخربویه)
دوېم: کلک یاشدید خج: دلته پرتوري فشار ډېر وي. لکه: «بڼه»ښځینه نوم دی یاني رنګ،څهره یاشکل. دلته فشار دپای پرتوري ډېردی.ګړه کلکه یاني شدیده اداکیږي. حمیدماشوخېل وایي: (څه دیارپه مخ بڼه کړه عاشقۍ*د حمید د حیا قدرلکه غر)
برسېره پردې،چي د ګړي یا وییکي پر تورو پرمختلفوځایو باندي مختلف فشار راځي خوګړه په یوه یا څو ساه وو ویل کیږي. چي دغه ته په ګرامري(Grammer) لحاظ څپه یا سېلاب (Syllable) وایي.

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: