ایمان، عقیده او اړوند

اســــــــلام وپيژنئ ۱ -اسلام څه ته وايي؟

« ان الديـــــــن عند الله الاسلام  »  صدق الله العلي العظيم  .

محترمو ورو ڼو  !  کوم مبارک آيت چي مخکښي يې ذکر او تحرير  وسو  د هغه مضمون ، خلاصه او پخوړ په دې ډول دئ  چي بېشکه هغه دين چي الله ( جل جلاله) په راضي دئ  ، د الله پاک خوښ دئ او و الله پاک ته مقبول دئ ، او الله پاک انسانان د هغه دين په اطاعت او په پيروۍ مکلف کړيدي  ، هغه اسلام دئ  .
له اسلام څخه پرته چي نور دينونه دي هغه پر دوه قسمه دي  : اول قسم هغه دينونه دي  چي له اصله ، له اوله څخه لا غلط ، باطل او شيطاني دينونه دي  ، لکه د مشرکانو دين يا د مجوسيانو دين ،یا د هندوانو دين ، يا د دهريانو دين  .
او دوهم قسم هغه دينونه دي چي پخپل نوبت ، پخپل وخت کښي حق دينونه وو   ، لکه د موسی (عليه السلام ) دين  ، د حضرت عيسی ( عليه السلام ) دين  .

خو کله چي د اسلام د مقدس دين نوبت راغلئ  ، رسول داسلام  حضرت محمد ( صلی الله عليه وسلم ) له الهي لوري څخه و انسانانو او پيرانانو ته  ، بلکي و تمام عالَم ته د نبي او د رسول په حيث  مبعوث کړ سو ، نو ټول حق دينونه  د اسلام په سبب منسوخ کړل سول  ، د اسلام د دين له راتللو سره سم په نورو اديانو عمل کو ل ختم سو  ، او له الهي لوري څخه و عالــَم بشريت ته  دا خبره په ډاګه سوه چي هر څوک چي د اسلام دين ونه مني نو که نور اسماني دينونه مني او کې نه منې  ، په هر صورت کښي کافر دئ او د الله ( جل جلاله  )  دښمن دئ  ، او د قيامت په ورځ کښي به هميشه په دوږخ کښي وي  ، معيار د حق او د باطل ، او د صلاح او دفساد د اسلام د مقدس دين منل يا نه منل دي   .
څوک چي د اسلام تابع وي او اسلام يې منلئ وي هغه پر حق باندي دئ ، او خاوند د صلاح دئ  ، او څوک چي له اسلام څخه منکر وي ، نو هغه پر باطل باندي دئ او خاوند د فساد دئ  .

محترمو  د اسلام لفظ  په أصل کښي و غاړه ايښودلو او تابعدارۍ  ته ويل کيږي  ، په عام عُرف کښي او په اصطلاح کښي د شريعت د اسلام لفظ د هغه دين ا و شريعت نوم  دئ کو م چي د حضرت محمد  (صلی الله عليه  وسلم )  په ذريعه سره و انسانانو او پيرانانو ته راوړل سوئ دئ  .
د اسلام د مقدس دين له خصوصياتو څخه يو غټ خصوصيت دادئ چي دغه دين د انسانانو هم دئ او د پيرانانو هم دئ  ، او په دمخه اسماني اديانو کښي دغه خصوصيت وجود نه درلودئ  .
قدرمنو ! دا يوه تمهيدي برخه وه  ، تفصيلات به ددې لړۍ په نورو برخو کښي انشآءالله يو په بل پسې ستاسي و حضورته تقديم کړه کيږي   .

والسلام ومن الله التوفيق

صافی بنسټ خبرتیا Safi Foundation Ads Donation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
وسیع ویب
error: