حکمونه

آيا د کور لپاره پر ساتلې ځمکه زکات شته؟

ما دری کاله مخکې په کندهار نوی عینو مینه کی د خپل ځان لپاره د کور جوړولو په موخه یوه نمره ځمکه را ونیوله خو وروسته می په کندهار ښار کی یوه بله نمره ځمکه را ونيوله او کور می پری جوړ کړ ځکه چی نوې عینو مینه دښته وه او نور کورونه هلته نه وه جوړ سوی او اوس هم دښته ده ، د عینو مینی ځمکه اوس هم را سره سته پوښتنه می دا ده چی په نوموړی ځمکه زکات راځي که نه؟

ده یا دونی وړ ده چی نوموړی ځمکه اوس ما د کوم مشخص هدف لپاره نه ده پری ایښی که مجبور سوم کیدای سی خرڅه یی کړم او که مجبور نه سوم نو کیدای سی کور پری جوړ کړم.

مننه

ځواب:
السلام علیکم ورحمة الله وبرکاته
هغه کور او سرای چې د اوسیدلو لپاره وي، په هغه زکات نه شته، همدا راز هغه کور یا سرای چې د کرایې لپاره وي، پر هغه هم زکات نه شته، بلکې د هغه نه چې کومه کرایه لاس ته راځي، هغه چې کله نصاب ته ورسیږي، او کال پرې واوړي دهغه زکات به ورکوي.
خو کوم کور یا دکان یا زمکه چې دخرڅولو لپاره وي، د هغو زکات به دهغه له قیمت نه ورکول کیږي، او هرکال به په بازار کې هغه قیمت کوي او دهمغه کال دقیمت مطابق به زکات ورکوي او که چېرې نغدې پېسې نه لري او هغه کور هم د تاوان له ویرې نه شي خرڅولای، نو کله چې پېسې په لاس ورغللې د څو تیرو کلونو زکات دې ورکړي او یايې چې کله کور خرڅ کړ بیا دې د تیرو ټولو کلونو زکات ورکړي.
والله اعلم

safi foundation

wasiweb.com

wasiweb.com Publisher Team publish your sent articles. you can send your articles to publish, also you can be author with us. Share the website and articles with your friends

خپل نظر مو دلته ولیکئ

Back to top button
error: