ګناهونو څه اغېزې لري؟
د ګناهونو اغېزې:
بېلابېل ګناهونه ډول ډول اغيزې لري چې په لاندې ډول دي :
۱: د زړه سختوالۍ :
د علي رضي الله عنه وینا ده : د زړه سختي د سترګو اوښکې وچوي او زړه هم په ډېرو ګناهونو سختیږي.
۲: د نعمت بیرته اخیستنه :
امام صادق رحمه الله وایي : پلار مې تل ویل: د خدای پربنده حکم دی چې بنده ته ور کړل شوی نعمت به بیرته ځنې وانخلي؛ خو دا چې بنده ګناه وکړي او د سزا وړ وګرځي.
۳: د دعاء نه قبلېدل :
امام باقر رحمه الله وایي : بنده له خدایه د اړتیا پوره کول غواړي، چې ژر یا ناوخته د پوره شي، وروسته همدا بنده ګناه کوي، خدای جل جلاله به پرښتو ته ووایي : اړتیا یې مه پوره کوئ او بې برخې یې کړئ؛ ځکه ورته په غوسه شوم او د بې برخې وړ شو .
۴: انکار او الحاد :
نبي کریم علیه السلام فرمایي: ګناهونه پر ګناه کوونکي بې لاریتوب واکمنوي، تر دې چې د پیغمبر له نبوت او ځایناستي څخه منکریږي او همدا شان د الله جل جلاله له وحدانیته هم منکریږي او په کفر اخته کیږي.
۵: د روزۍ بندېدل :
امام باقر رحمه الله وایي : څوک چې ګناه کوي؛ نو روزي ځنې لرې کیږي.
۶: د شپې د لمانځه څخه بې برخې کېدل :
امام صادق رحمه الله وایي : انسان د ګناه لکبله د شپې د لمانځه څخه بې برخې کیږي.
ماخذ : ګناه پوهنه صـ۱۱۱/۱۱۰
