کورنۍ بوختیاوې د ښځې عمر زیاتوي
د یوې تازه ترسره شوې څېړنې پایله ښېي چې کورنۍ بوختیاوې او کارونه د ښځې عمر کې زیاتوالی راولي خو د سړي عمر بیا نسبت ښځې ته د کورنیو کارونو پرځای د بڼوالۍ کارونو سره زیاتیږي.
د ډیلي میل ورځپاڼې لخوا خپاره شوي څیړنیز راپور کې راغلي چې د ښځې لپاره کورنۍ بوختیاوې لکه: پخلی، کالي مینځل، ځای جارو کول او ماشومانو سبنالولو په ګډون نور کارونه د ښې روغتیا او اوږده ژوند ضمانت کوونکي دي.
دا څېړنه چې د هالنډ په (روټردام) پوهنتون کې ترسره شوې څیړنکارانو دا ثابته کړې ده چې آن که یوه ۶۰ کلنه ښځه لږه کورنۍ بوختیا هم ولري ښاېي د نورو هغو ښځو په نسبت چې کورنۍ بوختیا هیڅ نه لري څو کلونه زیات او صحتمند ژوند کولای شي.
په دغه څېړنه کې چې له شاوخوا ۷۰۰۰ ښځو څخه د هغوی د ورځني ژوند او کورنۍ بوختیاوو په هکله پوښتل شوي دي څرګنده شوې ده، چې کورنۍ بوختیاوې د سړیو په نسبت ښځو ته ډیرې ګټورې دي،په داسې حال کې سړیو لپاره له کوره د باندې کار کول د هغوی په عمر کوم تأثیر نه شي لرلای.
